web counter
LEXO PA REKLAMA!

SHKARKO APP

App Store
Google Play

Ish deputeti prek me postimin për nipërit/ E di që nuk i shihni dot, por mami dhe babi do mundin koronavirusin

5 Prill 2020, 11:36, Sociale CNA

Ish-deputeti i Partisë Socialiste, Namik Dokle ka bërë një postim prekës për nipin dhe mbesën e tij.

Dokle i drejtohet me një letër nipërve të tij, Sarës dheRubenit, të cilët nuk shohin prej kohësh prindërit e tyre, pasi janë mjekë në Itali.

Teksa iu shpreh dashurinë dhe mallin, ai iu jep kurajo nipërve, duke thënë se mami e babi I tyre, bashkë me shumë mjekë të tjerë në Itali do ia dalin të mposhtin koronavirusin.

?MIRËMENGJES, SARA DHE RUBEN!
Ndoshta akoma nuk jeni zgjuar, por gjyshi nuk duron më gjatë për t?u përshëndetur. E di që jeni merzitur; u bë më shumë se një muaj që nuk dilni, nuk shkoni në shkollë, nuk takoheni me shokët dhe shoqet, dhe, kryesorja, nuk takoni dot mamin dhe babin, sepse ata vazhdojne punën në spital, përpiqen të shpëtojne të sëmuret. Epo, mirë, të paktën flisni në skajp, apo jo?
Por mos u mërzitni! Mami Manjola dhe babi Arviti, bashkë me mijëra mjekë të tjerë, në Itali dhe në botë, do ta mundin coronavirusin dhe semundjen e mallkuar. Dhe ju?do të vini persëri me pushime në Shqipëri, do shëtisim bashkë e do hame pica tevPazari i ri, bashke me nana Qefseren dhe daja Belin, do shkojmë në Shkoder të hame tave krapi me nana Hyrin, do shkojmë përsëri në bjeshket e Gores te shihni fshatin e gjyshit,
pastaj do zbresim poshtë, në Prizren e do pime ujë te cezma e Shadrivanit. Thonë se kush pi atë ujë fatsjellës nuk e zë asnjë semundje. Pastaj do të shkojmë përsëri në Sarandë, do zhytemi në ujërat e Jonit, ndërsa në mbrëmje, do shikojmë perendimin e diellit. Ja, edhe pak, edhe pak dhe do ta fitojmë ketë lufte! Dhe Ju do të jeni krenarë për mamin dhe babin që u perkushtuan aq shumë për jetën e njerëzve!
Ju puc shumë, shuuuumë!?, shkruan Dokle./CNA.al





Lajmet e fundit nga