web counter
LEXO PA REKLAMA!

SHKARKO APP

App Store
Google Play

E fundit!

x

Shkodra e pabindur/ Ashpërsohen rregullat, nga nesër askush nuk blen pa autorizimin përkatës

5 Prill 2020, 11:46, Sociale CNA

Nga nesër asnjë qytetar në Shkodër nuk do të mund të bëjë pazar në tregjet kryesore të qytetit pa patur autorizimin për dalje, që sigurohet në portalin ‘e-albania’.

Për shkak të mos respektimit të masave të sigurisë në ditët e kaluara bashkia e Shkodrës njofton se nga nesër do hyjnë në fuqi rregullat e veçante në tregjet e qytetit.

Mësohet se policia do të bëjë monitorimin e tregjeve dhe do të sigurojë që do respektohen rregullat e distancimit social.

?Të dashur bashkëqytetarë!
Duke nisur nga dita e nesërme, e hënë 6 prill 2020, do të vijojë monitorimi i tregjeve kryesore të qytetit të Shkodrës:
Tregut të Zdrales
Tregut të Rusit (Merkato)
Tregu i shumicës fruta-perimeve
Do të lejohen të kryejnë blerje, sipas nevojës që kanë, vetëm ata persona që janë të pajisur me leje- kalimi të lëshuar përmes sistemit e-albania.
Policia do të bëjë monitorim edhe të respektimit të distacimit social në këto tregje.
Personat që nuk do t?i respektojnë këto rregulla:
që nuk kanë leje – kalimi nga sistemi e-albania
që nuk zbatojnë distancimin social
nuk do të lejohen të hyjnë në këto tregje si dhe do të kenë penalizime sipas parashikimeve të Aktit Normativ Nr.3, datë 15.03.2020 ?Për marrjen e masave të veçanta administrative gjatë kohëzgjatjes së periudhës së infeksionit të shkaktuar nga Covid-19?.
Lusim të gjithë qytetarët të marrin masa për plotësimin e kërkesave të mësipërme. Shendeti i njerëzve është prioritet absolut për Bashkinë e Shkodrës?, njofton Bashkia Shkodër./CNA.al





Lajmet e fundit nga