web counter
LEXO PA REKLAMA!

SHKARKO APP

App Store
Google Play

E fundit!

x

Rama tregon lehtësirat për qiradhënësit në hall/ "Do i ndihmojmë ne"

2 Prill 2020, 19:45, Sociale CNA

Kryeministri Edi Rama ka shpjeguar aktin normativ për qiratë e banesave, teksa tregoi se dhjetëra qytetarë i janë ankuar se qiradhënësit po i bëjnë presion.

Rama tha se akti normativ nuk ka si qëllim favorizimin e qiramarrësit, por ndërhyrjen e domosdoshme për shkak të situatës.

“Ne jemi gjendur në një përrua mesazhesh të qiramarrësve që janë në hall. Ka dhe një grup që s’ka halle dhe këta janë ata që janë më në hal dhe duke parë që ka një moskuptim dhe presione nga qiradhënësit, që nuk e di çfarrë përfitojnë këta lloj të babëziturish kur i bëjnë presion. Dhe ndërkohë ky akt nuk nënkupton favorizimin e qiramarrësit, nënkupton ndërhyrjen e domosdoshme në një kohë lufte, duke i dhënë mundësi të parëve, atyre që janë më në hall nga tjerët”, u shpreh kreu i qeverisë në emisionin “Opinion”.

Kryeministri foli edhe për qiradhënësit që nuk kanë asnjë burim të ardhurash dhe mbahen vetëm nga qiraja e banesës.

“Këta individë janë kategori më vete në këtë proces dhe ne do kemi një përgjigje specifike se këta nuk i konsideroj persona që të ndihmojnë të tjerët por do i ndihmojmë. Akti normativ synon t’i japë një mesazh shumë të qartë të gjithë qiradhënësve dhe ndërkohë ne po punojmë për të ndarë kategoritë e personave”, nënvizoi Rama, teksa tha se do të ketë një tjetër vendim për ta./ CNA.al





Lajmet e fundit nga