web counter
LEXO PA REKLAMA!

SHKARKO APP

E fundit!

x

“Dita Botërore e Ndërgjegjësimit për Autizmin”/ Meta bën apelin e fortë: Këta fëmijë duhet të jenë përparësi

2 Prill 2020, 06:20, Politikë CNA

Presidenti Ilir Meta ka bërë sot një apel të fortë në mbështetje të fëmijëve autistë.

Në një postim në rrjetet sociale, në kuadër të Ditës Ndërkombëtare për Autizmin, Meta thekson se mbështetja dhe përkrahja e këtyre fëmijëve, si dhe zgjidhja e problemeve thelbësore që shqetësojnë familjet e tyre, duhet të jetë përparësi.

?Dita Botërore e Ndërgjegjësimit për Autizmin, na kujton detyrimet institucionale dhe shoqërore, për fëmijët dhe familjet e tyre, të cilët kanë nevojë për solidaritet, ndihmë, përkujdesje dhe dashuri të përhershme.
Sot kjo Ditë shënohet në mes të një krize të rëndë shëndetësore dhe ekonomike, për shkak të pandemisë globale COVID-19, që ka sjellë vështirësi të mëdha, veçanërisht për fëmijët me autizëm, të cilët nuk mund të zhvillojnë veprimtaritë dhe aktivitetet aq të domosdoshme për zhvillimin e aftësive të tyre. Mbështetja dhe përkrahja e këtyre fëmijëve, si dhe zgjidhja e problemeve thelbësore që shqetësojnë familjet e tyre, duhet të jetë përparësi.
Shoqëria jonë ka nevojë për solidaritet, për një Shqipëri të dhembshur dhe humane, për dashurinë, kujdesin dhe përkushtimin ndaj njerëzve më në nevojë!?-shkruan Meta./ CNA.al





Lajmet e fundit nga