web counter
LEXO PA REKLAMA!

SHKARKO APP

App Store
Google Play

E fundit!

x

Luan Rama kujton kohën e socializmit/ I jep mbështetje doktorit Kraja: Lutem për ty heroi im

1 Prill 2020, 14:48, Politikë CNA

Doktori i njohur Dhimitër Kraja u kthye sërish në spital të luftojë krah kolegëve të tij përballë koronavirusit, mirëpo vetëm pak ditë pasi u rikthye në dtyrë u konfirmua si i infekltuar.
Për këtë ka ardhur edhe reagimi i zëvendës-kryetarit të LSI-së Luan Ramës, që e cilëson doktorin si hero.
“Heronjtë e ditëve tona ka qenë një rubrikë më vete e shtypit dhe e radiotelevizionit në kohën e socializmit. Një të tillë e kishim edhe ne në gazetën ?Zëri i Popullit?. Përdorej për të evidentuar e portretizuar individë me një rol të veçantë, me kontribute më të spikatur në atë kohë.
Se edhe në atë kohë kishte heronj, siç kishte antiheronj e vrasës të tyre. Por le t?i ikim asaj kohe e të vijmë në kohën tonë, të flasim për heronjtë e ditëve tona. Sepse edhe sot ka heronj, siç ka edhe antiheronj e matrapazë heronjsh. Sot heronjtë e ditëve tona janë të vërtetë, janë të pabujë, janë të pazhurmë. Ata nuk mbushin gjoksin me dekorata e të kapardisen shesheve e tribunave”, shkruana i në rrjetet sociale.
Me bindje Rama deklaron se doktori është më i fuqishëm se koronavirusi dhe thekson se po lutet që Kraja ta fitojë betejën.
“Heronjtë e sotëm janë fisnikë e madhështorë në fisnikërinë e tyre sublime. Një nga këta heronj është edhe Prof. Dr. Dhimitër Kraja. Pas një jete punë si një prej mjekëve më të nderuar dhe me kontribute të veçanta në rreth 50 vjet në shërbimin e infektologjisë, doktor Luli prej disa vitesh është në pension. Dhe si pensionist ai mund të rrinte i qetë në familjen e tij e ta kalonte këtë periudhë të vështirë si të gjithë ne, mbyllur në shtëpi. Të rrinte në shtëpi e madje edhe mund të jepte mend nga shtëpia e të na fliste nga ekranet e televizioneve.
Do të ishte po aq i nderuar sa e meriton emri dhe puna e tij. Por refreni ?ç?e vrasim mendjen, rrimë në kuzhinë?, nuk është për doktor Lulin. Jeta e tij profesionale ka qenë e gjitha dashuri për pacientin dhe luftë për sëmundjen. E me këtë moto, pa e thirrur askush, por prej kushtrimit të zërit të shpirtit të tij, veshi bluzën e bardhë dhe u kthye në spital. U kthye atje ku në fakt ishte dhe është jeta e tij. U kthye në vijën e parë të luftës me sëmundjen, të luftës me të keqen.
Sot heroi im doktor Lul Kraja po lufton për jetën dhe do ta fitojë edhe këtë betejë siç ia ka dalë të fitojë gjithnjë. Koronavirusi nuk ka fuqi ta mundë doktorin hero! Unë lutem për ty doktor Lul Kraja, lutem për ty heroi im! Shërim të shpejtë e me shëndet!”, nënvizon Luan Rama./ CNA.al





Lajmet e fundit nga