web counter
LEXO PA REKLAMA!

SHKARKO APP

App Store
Google Play

Meta leksion qeverisë/ Çfarë duhet të bëjë për të lehtësuar përballimin e situatës

31 Mars 2020, 20:22, Politikë CNA

Presidenti Ilir Meta i ka dhënë leksion mbrëmjen e sotme qeverisë lidhur me aktet që duhet të ndërmarrë në situatën aktuale në të cilën ndodhet vendi.

Meta kërkoi që qeveria të bëjë më shumë transparencë dhe të jetë më korrekte me qytetarët, ndërsa përmendi këtu faktin se qeverinë e ka zgjedhur populli.

“Ajo që duhet më shumë është për të qenë më konkretë, më transparentë, për të detajuar më shumë angazhimet dhe detyrimet e qeverisë dhe shtetit karshi qytetarëve. Janë qytetarët ata që mbajnë qeverinë, shtetin dhe presidentin dhe nuk është e kundërta. Është me rëndësi të jemi të drejtë, ta ndajmë koston e kësaj krize në mënyrë të ndershme dhe tu jemi më pranë atyre që kanë humbur apo humbasin vendet e punës për shkak se biznesi ka qenë i detyruar për mos paguar. Këtu është roli i qeverisë për të lehtësuar përballimin e situatës për ata që goditen më shumë. Jemi në situatë lufte por buxheti dhe aktiviteti ekonomik duhet rikonceptuar në përballimin sa më të mirë të pasoja të kësaj lufte”, tha Kreu i Shtetit./ CNA.al





Lajmet e fundit nga