web counter
LEXO PA REKLAMA!

SHKARKO APP

App Store
Google Play

E fundit!

x

Rama i prerë/ "Kush harxhon drita dhe ujë t'i paguajë, po e patët të vështirë kursejini"

31 Mars 2020, 19:03, Politikë CNA

Kryeministri Edi Rama ka theksuar edhe njëherë se dritat dhe uji nuk do të falen për asnjë qytetar.
Gjatë një live në rrjetet sociale, Rama telefonoi qytetarët të cilët kanë bërë ankesa dhe njëri prej tyre i kërkoi që t’i heqin pagesat e dritave dhe ujit. Ndërkohë, kreu i qeverisë iu përgjigj ashpër duke i thënë se nuk do t’ja falë as dritat dhe as ujin
“Dritat janë mall, kush i konsumon do t’i paguajë. Nëse konsumohen dhe nuk paguhen, ne të gjithë përfunojmë në humnerë. Kështu, ne jo që nuk ngremë dot kokën, por s?ndihmojmë dot ata që janë në nevojë”, tha kreu i qeverisë.
“është e pamundur që të hyj në diskutim për dritat se është një mall që prodhohet, nuk vjen nga shiu, nuk vjen nga deti, nuk vjen nga dielli dhe si i tillë paguhet. Prandaj kush e ka të vështirë t’i kursejë, t’i ndezë sa më pak, t’i përdorë sa më pak, është një kohë lufte, nuk është një kohë paqeje. Vështirësitë janë të mirëkuptueshme për të gjithë dhe vërtetë është e dhimbshme edhe për mua kur e them që këto janë pengesa që nuk i kapërcejmë dot, prandaj mirëkuptomëni dhe mua që kjo është një kohë lufte dhe duhet ta fitojmë patjetër”, nënvizoi më tej kryeministri pasi mbylli telefonin./ CNA.al





Lajmet e fundit nga