web counter
LEXO PA REKLAMA!

SHKARKO APP

App Store
Google Play

Grida Duma "i përvishet" Ramës/ Publikon videon e nënës me fëmijë në krahë që s'ka të hajë

1 Prill 2020, 17:59, Politikë CNA

Ish-deputetja e Partisë Demokratike ka reaguar lidhur me deklaratat e kryeministrit Edi Rama, i cili tha për mediat se askush nuk po vdes për bukë.
Duma ka publikuar një video të montuar me deklaratat e kreut të qeverisë dhe një nëne e cila me fëmijën në krah thotë se nuk ka asgjë për të ngrënë dhe se ka rreth një milion lekë të vjetra borxh nëpër dyqane.
Demokratja thotë se kjo që po bën Rama tani është propagandë, ndërsa thekson se duhet më shumë kujdes për qytetarët dhe më shumë përgjegjësi.
“Shqipëria që duhet, është vendi i njerëzve që karantinohen për të jetuar, jo për t?u sëmurur. Shqipëria bëhet kur e vërteta të takohet me guxim pa mllef dhe duf. Shqipëria që duhet, kujdeset për qytetarët e saj pa shfryrje inatesh mbi qytetarët e vet por me kujdesin e detyruar e përgjegjshmëri.
Shqipëria që duhet ka gra si kjo, që megjithëse në hall, nuk shfryjnë, nuk shajnë, nuk mallkojnë por na tregojnë; tregojnë me sa munden pamundësinë e tyre! Nevoja për ushqim, ilaçe, e mbijetesë, nuk mund të mbyten nga propaganda. Shqipëria që duhet, bëhet duke marrë përgjegjësitë për të rishpërndarë paratë e shqiptarëve tek nevojtarët jo tek klientet miliarderë! Shqipëria që duhet është Shqipëria ku paratë e përbashkëta shkojnë tek ata që kanë nevojë sot më shumë se kurrë”, shkruan ajo në rrjetet sociale./ CNA.al





Lajmet e fundit nga