web counter
LEXO PA REKLAMA!

SHKARKO APP

App Store
Google Play

E fundit!

x

Zbardhet vendimi për mjekët e infermierët që do shkojnë në Itali/ Zbulohet sa do paguhen

28 Mars 2020, 14:55, Aktualitet CNA

Zbardhet Vendimi i Këshillit të Ministrave për mjekët dhe infermierët që do të shkojnë në Itali për të dhënë ndihmën e tyre në luftën kundër koronavirusit.

Mësohet se dhjetë mjekë dhe 20 infermierë nga Shqipëria do të shkojnë në Bergamo dhe do të qëndrojnë atje për një muaj.

Raportohet se mjekët që do të shkojnë në shtetin fqinj do të paguhen 3000 euro në muaj, ndërsa infermierët 2500 euro në muaj.

Këshilli i Ministrave ka vendosur: ?Dhënien e ndihmës me personel shëndetësor,mjekë dhe infermierë, në kushtet e pandemisë së shkaktuar nga COVID-19, Republikës së Italisë.

Shpërblimin e mjekëve dhe infermierëve, që do të ofrojnë shërbim shëndetësor sipas pikës 1, të këtij vendimi, do të jetë në vlerën 3 000 (tre mijë) euro në muaj për mjekët dhe 2500 (dy mijë e pesëqind) euro në muaj për infermierët.

Fondin prej 11 000 000 (njëmbëdhjetë milionë)lekësh për shpërblimin e personelit shëndetësor, mjekë dhe infermierë, sipas pikës 2, të këtij vendimi, të përballohet nga fondi rezervë i buxhetit të shtetit, miratuar për vitin 2020.

Ministria e Shëndetësië dhe Mbrojtjes Socialetë bëjë përzgjedhjen e mjekëve dhe infermierëve.

Ministria e Shëndetësisë dhe MbrojtjësSociale dhe Ministria e Infrastrukturës dhe Energjisë të marrin të gjitha masat për të siguruar transportin e personelit shëndetësor, mjekë dhe infermierë, drejt Italisë?, thuhet ndër të tjera në vendim.

Ndërkohë për zbatimin e tij është ngarkuar Ministria e Shëndetësisë dhe Mbrojtjes Sociale, Ministria e Infrastrukturës dhe Energjisë dhe Ministria e Financave dhe Ekonomisë./ CNA.al





Lajmet e fundit nga