web counter
LEXO PA REKLAMA!

SHKARKO APP

App Store
Google Play

E fundit!

x

Video-Menaxheri në Korçë i prekur nga Covid-19/ CNA.al zbulon detajet, ja kush është pronari i lokalit

23 Mars 2020, 09:35, Politikë CNA

Dy ditë më parë CNA.al raportoi e para faktin se edhe qyteti Jug-lindor i Korçës ishte prekur nga pandemia e Coronavirus.

CNA.al afër mesnatës të së shtunës raportoi për një rast i cili ishte një person 30 vjeç, menaxheri i një lokali shumë të frekuentuar në qytetin jug lindor. (Lexo ketu)

Shumë qytetarë në grupime e rrjete sociale kërkonin identifikimin e personit të parë të prekur, i cili u pasua dhe nga dy të tjerë.

Lokali është një nga pub-et më të frekuentuara të Korçës, ?Republika?.

Disa javë më parë raportuam me dokumenta ekskluzive edhe pronësinë e këtij ambienti biznesi i cili i përkiste ish deputetit Ben Blushi blerë në vitin 2015, në shumën vetëm 30 mijë euro dhe deklaruar prej tij në formularin e deklarimit të pasurive.

Kujtojmë këtu se CNA.al më parë ka raportuar në lidhje me një ambient, 140 metër katëror, në katin e parë të kësaj godine në Korçë, e blerë nga ish-politikani Ben Blushi, ndërsa pronësia është në emër të vajzës së mitur të Ben Blushit, N. Blushi.

Pra, Ben Blushi ka blerë në një nga ajkat e qytetit të Korçës, në një nga zonat më të preferuara për biznes 140 metër katëror, me një çmim mesatar në atë zonë që nuk shkon kurrësesi më pak se dy deri në tre mijë euro. Por, kjo pronë është blerë me një vlerë qesharake, për vetëm 30 mijë euro. (Lexo këtu)

Gjithashtu ka marrë edhe një garazhd 60 metër katëror, i cili shërben ambientit prej 140 metër katëror.  Të cilat janë të lidhura së bashku dhe më pas atje është ndërtuar Pub Republika, një nga më të famshmit e Korçës, që administrohet nga njerëz të afërt të Blushit, por gjithësesi lokali është një biznes me qera që vazhdon aktivitetin e tij.

Republika është një nga ambientet më të frekuentuara në Korçë fillimisht si një Snak bar e më pas pub.

Ndërkohë, tashmë Republika rezulton të jetë biznesi që pati menaxherin e prekur  me Covid-19, i cili u raportua në datën 20 mars, por ai më parë kishte marrë ndihmë në Senatoriumin e Korçës, për tu nisur drejt Tiranës.

Në faqen e Republikës shikon edhe këtë video që ambientet dizifektohen mënjëherë sapo është menduar lajmi se një anëtar i personelit është konstatuar i prekur.

Republika ka pasur një aktivitet të vazhdueshëm deri në ditën kur me vendim qeverie u vendos mbyllja e tyre, pra deri në 8 mars./ CNA.al

Fotot/ Zbulohet prona 500 milionë e Ben Blushit

Ekskluzive-Zbulohet gazetari oligark që ia kalon edhe Alfred Pezës





Lajmet e fundit nga