web counter
LEXO PA REKLAMA!

SHKARKO APP

App Store
Google Play

E fundit!

x

“U mbyll dhe kjo menxytë anadollake/ Ngjela përshëndet përmes vargjeve çeljen e negociatave

24 Mars 2020, 19:17, Politikë CNA

Pas vendimit të ministrave të BE për ti dhënë ?ok? Shqipërisë për hapjen e negociatave, ka ardhur dhe reagimi i avokatit Spartak Ngjela.

Përmes një postimi në rrjetet sociale, Ngjela shprehet entuziast, ndërsa risjell në kujtesë vargjet e rilindasit të madh Naim Frashëri.

?Shqipëria e fitoi më në fund pas 500 vjetësh të drejtën e mohuar nga historia: u kthye juridikisht si pjesë e Evropës dhe qytetërimit perëndimor.
Pse mos t’i kujtojmë vargjet rrëqethëse të Naim Frashërit:
U ngrit fat’i Shqipërisë
si i vdekuri nga varri
Mori udhën e Azisë
Duke ikur si i marri

Ja, tani duket se u mbyll kjo menxytë e gjatë aziatike e anadollake, që krijoi tmerret antishqiptare.
Në këtë ditë të trishtë, të ankthit dhe merakut të madh nga sëmundja e egër që po e kanos përditshëm, shqiptarit i erdhi ky lajm që e pret në shekuj si fatin e tij drejt Evropës.
Sot po gëzohen të gjithë: e gjithë Rilindja Kombëtare; Derada dhe Samiu; Bardhi dhe Bogdani; të gjithë luftëtarët dhe martirët e mëdhenj të kombit shqiptar; të gjithë poetët e medhenj që qanë me dhimbje dhe i kënduan me dashuri heroike atdheut e tyre evropian – Naimi, Fisha dhe njëqind të tjerë.
Por, të gëzuar ndihemi të gjithë ne, se e mposhtëm më në fund ligësinë armiqësore që ka 120 vjet që kërkon të zhbëjë Shqipërinë dhe shqiptarët.?

 





Lajmet e fundit nga