web counter
LEXO PA REKLAMA!

SHKARKO APP

App Store
Google Play

Situata e tensionuar në Kosovë/ Paralajmëron Ngjela: Thaçi e Mustafa "drejt vdekjes politike"

21 Mars 2020, 18:59, Kosova & Bota CNA

Avokati i njohur Spartak Ngjela ka reaguar për situatën e tensionuar politike në Kosovë pas shkarkimit të ministrit të Brendshëm nga Albin Kurti dhe lëvizjen e LDK për mocion mosbesimi ndaj qeverisë.

?Çdo të ndodhë në Kosovë me mocionin e mosbesimit Mustafa kundër qeverisë Kurti?
Asgjë. Titisti Mustafa duket se do të bjerë nga shiu në breshër. Pse?
Pashë kushtetutën e Kosovës. Siç duket Mustafa dhe Thaçi nuk e lexojnë dot. Atëherë?

Nëse votëbesimi i qeverisë Kurti humbet, sipas kushtetutës aktuale, Vetvendosja, si parti e parë, i dërgon presidentit Thaçi sërish një emër të ri kryeministri. Pikërisht këtu na del në skenë zonja Osmsni, e cila nuk e ka firmosur mocionin Mustafa. Dhomethënë: po sikur Kryeministri Kurti t’i dërgojë Presidentit si emër për kryeministre Vjosa Osmanin, çfarë ndodh?
Atëherë, kriza e Thaçit dhe e Mustafës shkon “drejt vdekjes së tyre të shpejtë politike”.
Domethënë? Sigurisht që do të tërheqet Mustafa. Madje ai ndërkohë i ka dhënë shenjat. Por, shenjat janë gjithashtu që Beogradi sërish do të mundet në Prishtinë: edhe me Thaçin, edhe me Mustafën, sepse, pas 100 vjetësh, Beogradi nuk do të mund të ketë më vend për përçarje në Prishtinë?, shkruan Ngjela në rrjetet sociale./CNA.al





Lajmet e fundit nga