web counter
LEXO PA REKLAMA!

SHKARKO APP

App Store
Google Play

E fundit!

x

Marrja e ilaçeve anti-inflamatorë mund të përkeqësojë COVID-19

14 Mars 2020, 19:49, Sociale CNA

Autoritetet franceze kanë paralajmëruar se njerëzit nuk duhet të përdorin ilaçe anti-inflamatore nëse kanë simptoma të ngjashme me koronavirusin sepse kjo mund të përkeqësojë gjendjen e tyre.

Ministri i shëndetësisë i vendit, Olivier Véran, i cili është një mjek dhe neurolog i kualifikuar, thotë se “Marrja e anti-inflamatorëve si ibuprofen apo kortizon,  mund të jetë një faktor në përkeqësimin e infeksionit. Ai këshillon që në rastin e etheve të përdoret paracetamoli.

Sipas ekspertëve të shëndetësisë ilaçet anti-inflamatore, në sëmundjet infective kanë tendecë të zvogëlojnë përgjigjen e sistemit imunitar të trupit.

Pacientët francezë janë detyruar të konsultohen me farmacitë që nga mesi i janarit nëse dëshirojnë të blejnë qetësues, përfshirë ibuprofen, paracetamol dhe aspirinë, për të kujtuar rreziqet.

Jean-Louis Montastruc, drejtuesi i farmakologjisë në spitalin Toulouse, i tha radios RTL: “Ilaçet anti-inflamatore rrisin rrezikun e komplikimeve kur ka ethe ose infeksion.”

Ministria franceze e shëndetësisë njoftoi të premten në mbrëmje se numri i rastit të koronavirusit në vend ishte rritur me 800 brenda 24 orëve. Véran tha se kishte 3,661 raste të konfirmuara që kishin çuar në 79 vdekje. Nga të sëmurët, 154 persona janë në kujdes intensiv.

Véran tha në konferencën e tij të përditshme se evolucioni dhe përhapja e virusit ishte “e shpejtë dhe e vërtetë”, por që 98% e atyre që kishin testuar pozitivisht ishin shëruar, shkruan “The Guardian”/ CNA.al

 

 





Lajmet e fundit nga