web counter
LEXO PA REKLAMA!

SHKARKO APP

App Store
Google Play

Thirrja e Manastirliut për qytetarët/ "Mos shkoni vetë në spital, po presim 18 përgjigje analizash"

10 Mars 2020, 15:50, Aktualitet CNA

Ministrja e Shëndetësisë Ogerta Manastirliu ka bërë thirrje të forta lidhur me situatën e krijuar nga koronavirusi në vendin tonë.

Manastirliu tha se deri më tani ka pasur 114 raste të dyshuara, mes të cilëve 10 janë të konfirmuara dhe janë në ndjekje në shërbimin infektiv.

Ministrja tregoi se aktualisht janë në proces 18 analiza të tjera dhe pritet të dalin rezultatet e tyre. Gjithashtu ajo bëri thirrje për qytetarët që të telefonojnë në numrin 127.

“Çdo person të telefonojë në numrin 127 dhe ky është i vetmi numër unik ku duhet të telefonojnë qytetarët që vijnë nga shtetet e prekura. Dje kanë telefonuar 1000 qytetarë të cilët kanë shqetësimin e tyre. Jo të gjithë që kanë telefonuar kanë qenë të prekur, por kanë pasur shqetësimet e tyre dhe janë informuar.

Dua të informoj se sipas skenarëve nga ekipi i infermierëve parashikohet në këto momente dhe ishte e pritshme për një rritje të numrit të rasteve dhe ky është momenti që ne kërkojmë për gjithë qytetarët të respektojnë rregullat dhe masat. E them këtë se deri më tani kemi patur bashkëpunimin me personat që janë konfirmuar me këtë virus, por ne jemi të vendosur të zbatojmë të gjitha protokollet për të mbrojtur qytetarët”, u shpreh ministrja gjatë mbledhjes së Këshillit të Ministrave.

“Dy janë momentet dhe një është sistemi, që është sistemi i karantinës. Pra është vetëkarantinimi dhe karantinimi i qytetarëve dhe karantina që është vendosur në shtëpinë e pushimit të ushtarakëve”, vijoi më tej ajo, ndërkohë një tjetër thirrje ishte që qytetarët nuk duhet të drejtohen vetë në spital./ CNA.al





Lajmet e fundit nga