Dosja "Top Channel"/ Skandalet nga aksionet tek gjyqet dhe shantazhet

10 Mars 2020, 14:13, Aktualitet CNA

Dosja Top Channel është një investigim i kryer javët e fundit nga CNA.al, pikërisht kur mbushen më shumë se katër vite nga fillimi i një përplasje të madhe dhe një historie gjyqesh, shantazhesh dhe përplasjesh me aksionerë të Top Channel.

Gjithçka fillon në janar të vitit 2016, kur disa aksionerë të pakicës, trashëgimtarët e të ndjerit Dritan Hoxha, nëpërmjet bashkëshortes së tij Vjollca Hoxha fillojnë një kalvar përplasjesh me dy aksionerët Albert Sino dhe Aurel Baçi, të cilët zotëronin 60% të aksioneve të Top Channel, sipas një kontrate shitje noteriale në vitin 2007.

Por, pas ndarjes nga jeta të Dritan Hoxhës, për gati nëntë vite palët kanë bashkëpunuar. Ortakët, shokët dhe bashkëpunëtorët e Dritan Hoxhës vazhdonin të ishin edhe pjesë e drejtimit të bizneseve, aty ku ata kishin bashkëpunuar dhe kishin investuar së bashku.

Por pas nëntë vitesh bashkëpunim, Vjollca Hoxha udhëheq një përplasje të fortë me aksionerët e Top Channel. Një përplasje e cila sot pas katër vitesh nuk përfundon ende, por është një çështje që ka filluar në Gjykatat e Faktit, në Apel, e në gjykatën e lartë me përplasje aksionesh, me denoncime në prokurori, me akuza, me intriga dhe shantazhe.

Top Channel shpesh herë ka sulmuar gjyqtarë të caktuar lidhur ose pranë çështjes. Nga ana tjetër, Vjollca Hoxha e përdor televizionin e saj për të mbrojur interesin e aksioneve të saj dhe për të futur në zbatim skemën e përgatitur më parë, për të mos njohur dy aksionerët e tjerë.

Në vitin 2018 në Top Channel shkon edhe Ben Blushi. Ky i fundit më pas fotografohet duke takuar Ardian Dvoranin. Në atë kohë flitej se çështja e aksioneve të Top Channel do të diskutohej në Gjykatën e Lartë, ku dhe Dvorani mund të ishte një nga njerëzit që mund të influenconte për këtë çështje.

Por, nga ana tjetër gjyqtarët e Gjykatës së Lartë, të cilët nuk rreshtoheshin apo nuk ishin deklaruar pro Vjollca Hoxhës, sulmoheshin barbarisht nga Top Channel. Janë me dhjetëra e dhjetëra kronika. Në atë kohë CNA.al ka raportuar shumë detaje në lidhje me këto çështje.

CNA.al ka mundur të investigojë në mënyrë të plotë dosjen e aksioneve të Top Channel, e cila aktualisht ndodhet në Gjykatën e Lartë dhe është një nga dhjetëra mijëra dosjet që presin të shqyrtohen atje.

Por, ne kemi mundur të sigurojmë të gjithë ecurinë e kësaj çështje, që nga data e parë, kur Vjollca Hoxha është regjistruar në QKR si drejtore dhe administratore e Top Channel e deri në vendimin e Gjykatës së Apelit, ku tentakulat e një ?oktapodi? korruptiv, me vendime gjyqesh të ndryshuara, me gjykatës që shkelin ligjin e të tjera si këto, janë ajo që shqiptarët nuk e dinë në lidhje me Top Channel. Pasi në ekran shikon vetëm sulme ndaj gjyqtarëve të caktuar apo interesa të tjera, të vetë aksioneres Vjollca Hoxha, tashmë ortake në një biznes tjetër me pronarët e inceneratorëve në Shqipëri. Bëhet fjalë për kompaninë Valtelina shpk, e cila mban emrin tregtar Lori Kafe. Një denoncim ky i bërë disa ditë më parë në CNA.al. (Lexo këtu)

Nga nesër ne do të sjellim të plotë dhe me detaje të gjitha fazat e këtij gjyqi, ku Vjollca Hoxha dhe Ben Blushi, aktualisht drejtor i këtij televizioni janë përfshirë edhe në marrëdhënie të dyshimta me gjyqtarët, ndërhyrje e të tjera.

Rasti i fotos publike të Ardian Dvoranit me Ben Blushin është një, por ka edhe të tjera, detaje dhe dëshmi ekskluzive.

CNA.al përveç dosjes së plotë të siguruar do të sjellë edhe intervista dhe qëndrime ekskluzive në lidhje me këtë çështje.

Dosja Top Channel, është një nga skandalet më të mëdha të drejtësisë shqiptare, shumica e atyre që janë përfshirë duket se do të jenë ?dëshmorë? të Vettingut për bëmat dhe gjëmat e tyre. (VIJON)/ CNA.al

Skandali/ Zbulohet skema e plotë, si pronarët e inceneratorëve paguan aksionerët e Top Channel

Ja kush janë pronarët dhe aksionerët e Top Channel dhe TV Klan, me përqindje

Si i ?vrau? Vjollca të gjithë shokët dhe bashkëpunëtorët e Tanit të Top-it

Ekskluzive dokumentet/ Klodi i inceneratoreve dhe Ben Blushi, blejnë ?Lori Kafe?

Dosja ?Top Channel?, kronikë e një krimi të paralajmëruar

Top Channel dhe Vjollca Hoxha shantazh gjyqtarëve

?Vetingu?/ ?Top Channel? vë në shënjestër gjyqtarët që nuk i përulen Vjollca-Blushit

Top Channel i shpall ?luftë? gjyqtarit/ Vjollca Hoxha dërgon nipin në protestë

E vërteta për Top Channel, Vjollca Hoxhën dhe Ben Blushin

Vjollca Hoxha humb betejën me bosët e mëdhenj për Digitalb/ Bie ?monopoli? i vendimmarrjes

Top Channel sulmon Gjykatën e Lartë në prag të gjyqit për aksionet e pronësisë

Lista e plotë- ?Gjeneralët dhe Ushtarët? e ?vrarë? të Top Channel nga Vjollca Hoxha dhe Ben Blushi