web counter
LEXO PA REKLAMA!

SHKARKO APP

App Store
Google Play

Koronavirusi nga Italia në Shqipëri/ MSH nxjerr të tjera detaje, babë e bir po trajtohen në spitalin infektiv

9 Mars 2020, 07:17, Sociale CNA

Mesnatën e djeshme u konfirmuan dy rastet e para me koronavirus, në Shqipëri.

Sikurse bën të ditur Ministria e Shëndetësisë, bëhet fjalë për dy shtetas, babë e bir, të cilët kanë qëndruar disa ditë në Firence dhe kanë udhëtuar në rrugë tokësore nga Firence drejt Tiranës, nëpërmjet pikës së Hanit të Hotit me makinë personale.

MSH bën të ditur se, menjëherë pas shfaqjes së shenjave klinike dhe lajmërimit të urgjencës kombëtare në nr.127 i janë marrë mostrat, të cilat u konfirmuan mbrëmjen e sotme nga laboratori i virologjisë në IShP.

Sipas MSH-së, gjendja e dy të prekurve babë e bir, babë e bir, 54 vjeç dhe 28 vjeç që kanë udhëtuar nga Firence në Tiranë është e stabilizuar dhe asnjëri prej tyre nuk paraqet komplikacione.

Po ashtu, mësohet se të dy pacientët po trajtohen në spitalin infektiv. Ndërkohë strukturat e shëndetit publik po realizojnë hetimin epidemiologjik dhe marrjen e mostrave të kontakteve.

Ministria e Shëndetësisë përsërit thirrjen për qytetarët që kanë udhëtuar nga vende të prekura dhe ndjejnë simptoma të ngjashme me gripin, të telefonojnë në nr.127, ku mjekët tanë do t?i përgjigjen çdo rasti.





Lajmet e fundit nga