web counter
LEXO PA REKLAMA!

SHKARKO APP

App Store
Google Play

E fundit!

x

Opozita shtyn mbledhjen ku do diskutohej ndryshimi i sistemit/ Rudina Hajdari ngre dyshimet e forta

6 Mars 2020, 11:12, Politikë CNA

Deputetja demokrate, Rudina Hajdari ka reaguar në lidhje me shtyrjen e mbledhjes së Tryezës për Reformën Zgjedhore, e bërë me kërkesë të opozitës jashtë parlamentare.

E ftuar në studion e ?Dita jonë? në A2, Hajdari ka deklaruar se nuk është mirë shtyrja e takimit, për faktin se sot do të flitej për ndryshimin e sistemit.

?Ka patur disa zhvillime momentet e fundit. Opozita e bashkuar e ka anuluar takimin e ditës së sotme, duke e shtyrë për të hënën. Nuk është mirë që të shtyhen takimet, pasi 15 marsi është javën tjetër. Ishte ditë e rëndësishme, sidomos për mua, duke qenë se sot do të flitej për ndryshimin e sistemit, por mbrëmë në darkë vonë erdhi njoftimi se do të shtyhet takimi?, deklaroi Hajdari.

Më tej, ajo ngriti edhe dyshimet për një ?bojkot? të mundshëm nga ana e opozitës, pasi sipas saj është hera e dytë që shtyhet tema e ndryshimit të sistemit.

?Urojmë që të mos jetë bojkot, por ndihem e shqetësuar për këtë fakt sepse është hera e dytë që tema e ndryshimit të sistemit shtyhet. Duhet të kuptojmë që kjo reformë bëhet për shqiptarët, dhe ashtu siç kemi dëgjuar propozimet e opozitës, dhe kemi qenë të hapur, edhe opozita duhet të ketë durim dhe të dëgjojë propozimin e opozitës në parlament dhe shqetësimet e saj?, shtoi Hajdari.





Lajmet e fundit nga