web counter
LEXO PA REKLAMA!

SHKARKO APP

App Store
Google Play

Do të krijojë një parti të re?/ Meta shuan kureshtjen, sfidon publikisht mazhorancën

4 Mars 2020, 07:18, Sociale CNA

Ndërsa në media dhe në rrjetet sociale ka filluar të flitet mbi idenë se Presidenti Meta do të krijojë një forcë të re politike, ka ardhur edhe reagimi i këtij të fundit.

Në një postim në rrjetet sociale, Meta bën thirrje që të mos lodhen me konspiracione, ndërsa thekson se projekti i tij i vetëm është mbrojtja e Kushtetutës dhe demokracisë.

Ndërkohë që mazhoranca ka ngritur një komision për shkarkimin e Metës, ky i fundit duket se sfidon sërish hapur, ndërsa i drejton edhe një mesazh të fortë qeverisë, ku rithekson se do të jetë presidenti deri në 24 korrik 2022.

?Mos u lodhni kot me konspiracione!
Jam Presidenti i Republikës dhe lider i sovranitetit dhe unitetit kombëtar, në mbrojtje të Kushtetutës, lirisë dhe demokracisë!
Ky është projekti im i vetëm deri në 24 korrik 2022!
Nuk synoj, as për Kryeministër, dhe as për kryetar opozite deri atëhere. Por nga 2 marsi unë kam zbritur në shesh dhe do të vazhdoj shesh më shesh, në të gjithë Shqipërinë derisa të rivendosim vullnetin e sovranit në çdo institucion.
Po, qeveria duhet të ketë frikë nga POPULLI, jo POPULLI nga qeveria.?-shkruan Meta./ CNA.al





Lajmet e fundit nga