web counter
LEXO PA REKLAMA!

SHKARKO APP

App Store
Google Play

Mustafa Nano bën Bashën “për ujë të ftohtë”/ Ja pse dolën në protestë qytetarët

3 Mars 2020, 20:58, Politikë CNA

Analisti, Mustafa Nano, nuk i kurseu aspak kritikat për opozitën, të cilën e akuzon se i la në dorë pushtetin kryeministrit Edi Rama.

Ai deklaroi se kreu i opozitës, Lulzim Basha, provoi me të gjitha mënyrat të bëhej kryeministër, pasi, sipas tij, “i lëshon goja lëng”. Analisti komentoi se Basha nuk ka gjë në terezi.

?Transformimi nga fajkua në pëllumb e ka zvogëluar fare si figurë, e ka bërë qesharak, e ka bërë karakter portokallie. Dhe me këtë ka bërë nervozë opozitarët, të cilët kanë mbetur me gisht në gojë. Janë pa pushtet, pa mundësi për të abuzuar. Sepse gara politike në Shqipëri bëhet bash për këtë: për të shtënë në dorë mundësinë për të abuzuar. Prandaj, pretendimi i opozitarëve se mbrëmë dolën në protestë për demokraci, për kushtetutë, për shtet ligjor, për ta çuar Shqipërinë në Europë, se dolën të luftojnë edhe për të mirën time, që si budalla që jam nuk jam në gjendje ta kuptoj, se ata janë burrat e vërtetë të këtij kombi, se ata ishin në bulevard për flamur, madje për të dy flamujt, edhe për atë amerikan, ky pretendim pra të bën të gajasesh me të madhe. Në mos, t?i sjell zorrët te goja. Sepse gjërat në të vërtetë janë ndryshe. Shumë ndryshe. Ajo protestë ishte një horrlik?, tha analisti.

Nano po ashtu vlerësoi se protestuesit opozitarë, thellë-thellë, nuk kanë gjë me Edi Ramën.

?Përkundrazi, ata thjesht vuajnë pse nuk kanë në krye një si Edi Rama, që t?u dilte për zot pritmërive të tyre. Menduan se kishin Lulzim Bashën, por janë bindur tanimë që nuk e kanë për këtë punë. Dhe tani i kanë shpresat te Ilir Meta. Madje, Ilir Meta është shpresa e vetme. Kjo është arsyeja që dolën në protestë mbrëmë?, nënvizoi ai./ CNA.al





Lajmet e fundit nga