web counter
LEXO PA REKLAMA!

SHKARKO APP

E fundit!

x

Pas gjashtë vitesh qeverisje/ Rama pranon publikisht dështimin  

1 Mars 2020, 11:13, Politikë CNA

Kryeministri Edi Rama, me dashje apo pa dashje ka pranuar sot që sistemi arsimor në Shqipëri është i dështuar. Është një sistem i cili prodhon diploma pa vlerë.

Gjatë fjalës së tij në Kongresin e Partisë Socialiste, Rama tha se sipërmarrjet në Shqipëri vuajnë nga mungesa e punonjësve.

?Ka shumë të rinj që nuk janë të aftë për punë, por kanë në dorë një dreq diplomë për jurist. Në Durrës një sipërmarë më tha se sipërmarrjet në Shqipëri nuk kanë punëtorë. Dhe nën atë pallat ishte një kafe, të rinjtë rrinin aty, kafe e muhabet si turqit e lashtë. Dhe kur iu them pse nuk punoni, më thanë jemi juristë?-u shpreh Rama.

Ishte kjo një frazë realisht e përsëritur nga kreu i qeverisë, por ndoshta Rama ka ?harruar? që ka gjashtë vite që qeveris këtë vend e nëse universitetet tona nxjerrin jurista të paaftë për punë, është edhe përgjegjësia e tij.

Dhe ata ?jursitët e paaftë? siç i cilëson Rama janë dërguar në universitet tona vërtetë me sakrifica, nga ?lekët e babit?, sikurse ka qejf të ofendojë të rinjtë Rama, por faji se pse në universitet kanë marrë një diplomë pa vlerë, sërish nuk është as i tyre dhe as i ?babit? që jep lekët.

Përgjegjës për këtë është vetë Edi Rama me shokë. Bashkë me të gjithë ata që e kanë degraduar këtë vend në këtë gjendje, ku juristi me diplomë duhet të punojë në ndërtim, ndërsa i pashkolli bëhet deputet./ CNA.al





Lajmet e fundit nga