web counter
LEXO PA REKLAMA!

SHKARKO APP

App Store
Google Play

E fundit!

x

Thirrja e Ambasadës për t'iu shmangur protestës së Metës/ Reagon menjëherë Presidenca: Asnjë alert

28 Shkurt 2020, 15:09, Politikë CNA

Zëdhënësi i Presidencës Tedi Blushi ka reaguar menjëherë pasi Ambasada e SHBA në Tiranë i bëri thirrje shtetasve amerikanë në Shqipëri të shmangin vendet ku do të zhvillohet protesta e thirrur nga Ilir Meta në 2 mars.

Blushi deklaron se nuk duhet të ngrihet asnjë alert për datën 2 mars, si për qytetarët shqiptarë dhe për ato të huaj që jetojnë dhe do të mbërrijnë në Tiranë.

Zëdhënësi i Metës thotë se është i lumtur që këtij Manifestimi do t?i bashkohen edhe mbi 200 shqiptaro-amerikanë, të cilët sipas tij, kanë konfirmuar pjesëmarrjen në 2 mars.

?Mund t?ju konfirmoj se sot paradite Presidenti Meta me kërkesën e tij ka pritur në takim drejtuesit e lartë të Policisë së Shtetit, duke u konfirmuar bashkëpunimin maksimal të Institucionit dhe të tij, për mbarëvajtjen e këtij Manifestimi madhështor Mbarëkombëtar në mbrojtje të Kushtetutës dhe demokracisë!

Çdo detaj është i mirëpërcaktuar me kohë. Manifestimi fillon në ora 17.00, me flamuj kuqezi dhe mimoza në duar, e përfundon në ora 19.00. Godina e Kryeministrisë dhe Ministrisë së Brendshme do të mbrohen nga aktivistë të identifikuar.

Shtetasve të huaj, veçanërisht atyre shqiptaro-amerikanë që do të marrin pjesë do t?u dhurohet një degë mimoze dhe një Kushtetute e Shqipërisë, e votuar me 140 vota dhe me bekimin e Komisionit të Venecias, SHBA-ve dhe BE-së?, shkruan Blushi në rrjetet sociale, ku bën me dije se manifestimi do të zgjasë vetëm 2 orë.

Ai deklaron se alerti i vetëm i 2 marsit, është për puçistët që tallen me Kushtetutën dhe sovranitetin e popullit shqiptar duke miratuar apo bekuar pabesisht ligje anti-kushtetuese.

Zëdhënësi i Metës jep bekimet e tij për miqësinë e palëkundur shqiptaro-amerikane, pasi pretendon se pa Kushtetutë nuk ka demokraci dhe pa demokraci nuk ka Shqipëri./ CNA.al





Lajmet e fundit nga