E fundit!

11:11 Kosova & Bota

Tërmeti i fuqishëm godet Greqinë

Një tërmet i fuqishëm me magnitudë 5.1 ballë të shkallës R...

Superdekreti që po paralajmëron Presidenti

28 Shkurt 2020, 11:07, Politikë CNA

E kush nuk ka parë reklamat që anunçojnë shfaqjet teatrale dhe trajlerat e filmave në pritje!?

Të gjitha synojnë që të ngjallin kuriozitetin e turmës. Është turma ajo që ble biletat dhe mbush sallat.

Kjo po ndodh me Presidentin!

Prej ditesh ka njoftuar dhe ka thirrur popullin për një takim në mbrojtje të Kushtetutës.

Nuk komentojmë këtu sesa të ndjeshëm janë treguar shqiptarët të paktën në 20 vitet e fundit ndaj Kushtetutes, por suspansi me të cilin po shoqëron Presidenti pritjen e datës 2 Mars, nuk kalon dot pa koment.

Presidenti arsyeton shkeljet e Kushtetutës nga mazhoranca dhe nuk është se arsyeton gabim.

Presidenti thërret popullin në protestë në mbrojtje të Kushtetutës dhe këtu as ai ashtu si edhe ne, nuk merakoset shumë të vlerësojë ndjeshmërinë historike të Shqiptarëve ndaj Kushtetutës.

Presidenti flet gjatë për të gjithë aktorët dhe personazhet e përfshirë sipas tij në shkeljen e Kushtetutës.

Presidenti flet gjatë dhe duket së është shkëputur prej kohësh nga fjalitë lakonike, të shkurtra dhe me fare pak fjalë që kanë qënë karakteristike tek politikani i dikurshëm Ilir Meta.

Ai argumenton gjatë dhe i përgjigjet çdo pyetjeje për atë që ai e quan shkelje të Kushtetutës dhe ata që i quan shkelës të Kushtetutës.

Por Presidenti nuk tregon se çfarë dekreti do firmosë në datën 2 Mars.

Nxit kurizotetin e turmës duke i ftuar në një shfaqje për të cilën duhet të paguajnë veç biletën e transportit drejt Tiranës.

Por si në çdo reklamë, edhe ai anunçon veç që do firmosë një dekret, por mban sekret dekretin.

Lajmëron shfaqjen, por sigurisht ndjek rregullin, nuk tregon finalen.

Por ndryshe nga një shfaqje filmi kinematografik, Presidenti nuk do të shesë bileta.

Presidentit i duhet salla plot. I duhet populli në sallë që të përdorë sallen për qëllimin e tij.

Ndaj deri atë ditë i duhet t?i habisë të gjithë duke premtuar superdekretin.

Në fakt ka një dekret afati i të cilit piqet në datë 2 Mars.

Eshte dekreti për kthimim e ligjit që autorizon betimin tek noteri për anëtarët e Gjykatës Kushtetuese, kur Presidenti refuzon të organizojë seancën e betimit.

Atë dekret do firmosë në 2 Mars!

Nuk ka asnjë superdekret në datë 2 Mars. Ndaj është e kotë sjellja e këtyre ditëve e Metës si ?Super-President?.

Në 2 Mars presidenti do nxjerrë një dekret të zakonshëm për kthimin e një ligji për rishqyrtim në Kuvend.

Dhe dekrete si ky, Presidentet e këtij vendi kanë firmosur që prej ditës që ky vend ka të tillë./ CNA.al