web counter
LEXO PA REKLAMA!

SHKARKO APP

E fundit!

x

Shtatë gra të vrara në 2020/ Këlliçi thirrje për të rinjtë: Sensibilizoni njerëzit që keni përreth

28 Shkurt 2020, 13:48, Politikë CNA

Kreu i Formuit Rinor të PD, Belind Këllici thotë se dhuna ndaj grave është ende një fenonem që ndodh rëndom në shoqërinë shqiptare.

Këllici kujton se vetëm në vitin 2020, janë vrarë 7 femra, pa harruar rastet e abuzimit seksual dhe dhunës që ushtrohet ndaj tyre.
Sipas tij, kjo tregon se, përveçse ndodhemi në një krizë politike, ekonomike, institucionale, ne kemi edhe një krizë sociale.

?Mungesa e edukimit, problemet financiare dhe depresioni psikologjik që ka goditur vendin, janë shkaktarët kryesorë të këtij fenomeni.
Ne e dimë tashmë, se abuzime me femrat ndodhin shpesh nëpër shkolla, gjimnaze dhe auditore universitetesh. Djepi i dijes është kthyer në një mekanizëm për të ushtruar këtë dhunë. Kjo është një nga fatkeqësitë më të mëdha që vajzat e femrat, por edhe të tjerët, duhet të përballojnë para se të kenë një formim arsimor dhe profesional?, shkruan Këllici.

Ai thekson se ndërgjegjësimi është arma që ne, si të rinj, kemi në dorë.
Këllici bën thirrje për çdo të ri dhe të re të mundohet me sa ka në dorë të sensibilizojë njerëzit që ka përreth: miqtë, anëtarët e familjes dhe të afërmit.

?FRPD udhëhiqet nga vlerat e një shoqërie të lirë, e individëve që punojnë për veten dhe familjen e tyre, duke respektuar liritë dhe të drejtat e njerëzve që kanë përreth. Ndaj sot, ne e riafrimojmë qëndrimin tonë për mbrojtjen e lirive personale, si një e drejtë themelore për paqe dhe një shoqëri të lirë.
Dhuna ndaj grave është diçka që duhej të ishte reduktuar, madje duhej të ishte zhdukur me kohë. MJAFT MË!?, shkruan me tej Këllici./CNA.al





Lajmet e fundit nga