web counter
LEXO PA REKLAMA!

SHKARKO APP

App Store
Google Play

E fundit!

x

Pampuri nga spitali i Durrësit/ "Asnjë masë për koronavirusin, qeveria propagandë boshe"

28 Shkurt 2020, 15:44, Politikë CNA

Përfaqësuesja e Grupit të Punës për koronavirusin ngritur pranë Partisë Demokratike, Orjola Pampuri, inspektoi masat e marra nga qeveria për parandalimin e rrezikut nga ky virus në Spitalin e Durrësit dhe në një nga Qendrat Shëndetësore në qendër të qytetit.

Pampuri deklaron se qeveria nuk ka marrë asnjë masë mbrojtëse si për qytetarët edhe për stafin mjekësor, ndërsa ngre akuzat se autoritetet shtetërore po bëjnë propagandë boshe.

?Jemi në spitalin e Durrësit ku pata rastin të vizitoj ambientet e brendshme të spitalit të Durrësit, takova personelin shëndetësor, takova mjekë, prej të cilëve një pjesë e tyre ishin të pa pajisur me maska, madje edhe ata që kishin maska kishin mundur t?i siguronin privatisht duke i blerë vetë këto maska. Ka një furnizim shumë të dobët me doreza, të cilat duhet të jenë të pranishme këto ditë, mjekët nuk kanë kapuç, nuk kanë doreza, nuk kanë dezinfektantë, ka mungesë maskash?, u shpreh ish-deputetja.

Sipas demokrates, situata në Durrës është tërësisht e kundërt me atë që paraqet Ministria e Shëndetësisë, pasi pretendon se nuk ka as edhe një plan masash për përballimin e një situate me koronavirus.

?Është gjithçka ndryshe nga jo që paraqet ministria dhe nga ajo që paraqitet nga qeveria. Nuk ka asnjë plan masash të qartë dhe i cili t?i bëhet i ditur qytetarëve. Jemi në prag të një epidemie, ku vendet fqinje, Itali dhe Greqia kanë shumë të prekur. Italia ka shumë të prekur koronavirusi dhe duke qenë në një situatë të tillë sigurisht edhe Shqipëria duhet të kishte një plan masash  të cilat duhet të ishin bërë të qarta qytetarëve, duhet të kishte një strategji. Strategjia që qeveria dhe ministria po ndjek është komplet ndryshe nga ajo që po ndjekin vendet e Europës dhe është komplet ndryshe dhe komplet ndryshe nga ato që po ndjekin vendet të cilat sigurisht kanë paraqitur masat mbrojtëse për t?u përballur me koronavirusin?.

Ish-deputetja demokrate tha se qeveria duhet të kthejë vëmendjen tek shëndetësia, duke filluar me buxhetin për të përballuar situatën.

?Ndoshta të gjitha paratë e shëndetësisë, të gjitha paratë e buxhetit të shëndetësisë nuk janë prioritet për të mbrojtur jetën e qytetarëve, nuk janë prioritet për t?iu gjendur pranë mjekëve, heronjve të sistemit të cilët në këtë periudhë janë ata të cilët duhet të ndjehen më të mbrojtur dhe më të sigurt. Të gjitha ato miliona euro që shkojnë në vit për kocensionaret, për PPP-të, për tenderat e ministrisë duhet të ishin sot për të përballuar këtë situatë. Nuk kemi asnjë transparencë me buxhetin me të cilin do të përballohet kjo situatë. Pra, e gjitha kjo është një situatë në të cilën jemi jo të gatshëm për tu përballur dhe nuk kemi asnjë strategji për ta përballuar?, tha Pampuri./ CNA.al





Lajmet e fundit nga