web counter
LEXO PA REKLAMA!

SHKARKO APP

App Store
Google Play

E fundit!

x

“Rrofsh moj grua që s’u kurseve”/ Rama merr me të mirë Lindën, pas kritikës

28 Shkurt 2020, 18:25, Politikë CNA

Pas kritikave publike të bashkëshortes së tij Lindës, kryeministri Edi Rama u mundua që ta marrë situatën me sportivitet dhe ta kalojë me batuta.

Ai deklaroi në Kongresin e Partisë Socialiste se Linda ishte opozita e tij më e madhe dhe se e dinte që kusurin më të madh do ta merrte kur të shkonte në darkë në Surrel.

?E dëgjuat zërin e opozitës time më të fortë? Mua më takon ta takoj Lindën se ishte shumë më e moderuar se mbrëmë në shtëpi. Rrofsh moj grua që nuk u kurseve në sy të gjithë këtyre shoqeve dhe jam shumë i qartë që kusurin do e marr sonte në Surrel për gjithcka që nuk u tha sonte këtu. Qeshni ju qeshni se po të mos e kisha në shtëpi këtë opozitën që e dëgjuat në variantin  rozë, se po ta kisha si këtë opozitën që ka dalë në rrugë, do më dukej vetja si më i madhi në vend?, tha Rama, ndërsa e falenderoi për kujdesin që ajo ushtron ndaj fëmijëve dhe nënës së tij Anetës.

?Dua ta falenderoj Lindën se ajo është themeli i patundshëm i shtëpisë sonë. Jemi një shtëpi që falë Lindës është antisizmike dhe përballon tërmetet e mia me shumë qëndrueshmëri dhe falë saj, fëmijëve nuk i mungon asnjëherë kujdesi prindëror që unë fatkeqësisht nuk ia fal sa duhet. Falë saj, Anita që më shikon aq rrallë, ka një vajzë që edhe sikur ta kishte bërë vetë, nuk do e bënte dot kaq brenda standarteve dhe kritereve të saj, se Aneta është më e vështirë se BE për standarte e kritere. Falë Lindës unë nuk kam qenë kurrë vetëm. Në asnjë nga jo pak kohë të vështira kemi qenë bashkë?, nënvizoi Rama, ndërsa thumboi opozitën joparlamentare, duke thënë se është lloji më i ulët i konkurentëve që ka pasur për vite të tëra./ CNA.al





Lajmet e fundit nga