web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet nga policia/ Ish-drejtuesi i Policisë kundër, ndryshimet antikushtetuese

14 Shkurt 2020, 10:51, Politikë CNA

Ish-drejtuesi i lartë i Policisë, Emri Vata ka komentuar ligjin për përgjimin e qytetarëve nga Policia, pa autorizim të prokurorisë apo pa vendim të gjykatës.

Në një prononcim për Euronews Albania, Emri Vata e cilësoi atë si antikushtetues dhe një ligj që sipas të çon në dyshime për abuzim.

?Është tërësisht antikushtetues, pasi autorizimin për përgjimin duhet ta japë një organ kushtetues siç është prokuroria. Marrja e kësaj kompetence të çon në dyshime për abuzim. Për sa kohë veprime të tilla bëhen nga institucione të cilat janë në varësi nga ekzekutivit, lë vend për të dëshiruar, lë vend për të dyshuar për abuzime, për kundërshtarin politik, për njerëz të caktuar dhe për selektime?-tha ndër të tjera Emri Vata.

Sa i takon Operacionit Forca e Ligjit, Emri Vata e ka cilësuar si ngarkesë e tepruar për SPAK, gjë e cila bën që ky i fundit të mos merret me objektivin kryesor.

?Operacioni Forca e Ligjit është një ngarkesë e tepruar për SPAK, për të mos u marrë me objektivin kryesor të saj.

Dyndja e dosjeve nga OFL tek SPAK do të thotë se atë e ngarkon më shumë nga kapaciteti që ka dhe nuk merret me atë që është objektivi kryesor që ka SPAK-u, por duhet të merren me makina të blinduara dhe gjëra të tjera.

Kështu që SPAK në këtë mënyrë del jashtë funksionit?-u shpreh Emri Vata./ CNA.al





Lajmet e fundit nga