web counter
LEXO PA REKLAMA!

SHKARKO APP

App Store
Google Play

“Bandat kërkojnë favore”/ Paloka sjell faktet: Rama i telefonon vetë kriminelët

13 Shkurt 2020, 21:56, Politikë CNA

Nënkryetari i Partisë Demoratike, Edi Paloka ka akuzuar kryeministrin Rama se ka kontakte dhe telefonata të drejtpërdrejta me kriminelët nga Shkodra deri në Sarandë.

I ftuar në emisionin ?Real Story? Paloka ka përmendur atentatin ndaj prokurorit të Durrësit Arjan Ndoja duke thënë se personi me të cilin ai ndodhej në automjet, ?Rrumi i Shijakut? ka bërë vota për Ramën në zonën e tij.

Më tej ai shton se në kohën kur deputeti i PS Bashkim Fino kandidonte për President të Federatës Shqiptare të Futbollit në  2018 Rama ka telefonuar kriminelë në Shkodër.

?Kjo histori ka nisur që me atenatin ndaj atij prokurorit në Durrës. Dhe ka nisur Rrumi këtej dhe Rrumi andej.
Por a e di ti që Rrumi i Shijakut ka qenë nga njerëzit kryesorë që i ka bërë votat aty. Janë dy dosje në prokurori që po shkojnë si top futbolli. Kur krimi të bën favor në zgjedhje të kërkon favorin në këmbim. Ky i merr në telefon vetë, një nga arsyet që nuk duhet të jetë .
Ka telefonata nga Shkodra në Vlorë. Në Shkodër ka marrë telefon kriminelë për FSHF kur kandidonte Fino për kryetar. Madje ai që ka kontaktuar ka edhe dosjen.
Të gjitha janë të lidhura. Nëse i fut bandat në zgjedhje atëhere ato të kërkojnë favor?, tha Paloka./CNA.al





Lajmet e fundit nga