web counter
LEXO PA REKLAMA!

SHKARKO APP

App Store
Google Play

Dalin pamjet kur trupi i Prengës nxirret nga "Range Roveri"/ Lala zbulon detaje tronditëse

12 Shkurt 2020, 13:37, Kronika CNA

Dalin pamje të filmuara nga kamerat e sigurisë në bodrumin e resortit ?Golden?, ku shihet momenti kur pengmarësit e Jan Prengës largojnë trupin e pajetë të 49-vjeçarit.

Në fotot e publikuara nga News 24, shihet se disa persona të maskuar nxjerrin trupin e Prengës nga automjeti luksoz Range Rover dhe e fusin në një furgon të bardhë të mbyllur.

Më pas këto persona tentojnë të fshijnë gjurmët e krimit me solucion dhe të dëmtojnë kamerat e sigurisë.

Ndërkohë, gazetarja Klodiana Lala ka dhënë detaje tronditëse lidhur me rrëmbimin dhe vrasjen e Prengës, ndërsa tha se ekzistojnë edhe disa pamje të tjera ku shfaqen autorët e krimit me lopata dhe kazma në duar.

?Janë pamjet e para që dalin nga kamerat e resortit lukso ?Golden?. Janë këto pamje, ku sipas hetuesve, shfaqen të gjithë personat që kanë marrë pjesë në rrëmbimin dhe zhdukjen e Prengës. Siç shihet nga fotot, tregohen të gjitha lëvizjet dhe veprimet që janë kryer me pengun. Personat që kanë marrë pjesë në pengmarrje fillimisht shkojnë në garazh të maskuar, nxjerrin trupin e pajetë të Prengës dhe më pas e zhdukin. Në këto foto, personat mbajnë maska e kapele, pra janë kujdes të mos identifikohen, por duke harruar kamerat e resortit.

Më pas, personat heqin rrobat, pastrojnë gjithë dyshemenë dhe automjetin, për të zhdukur gjurmët, dhe më pas i marrin të gjitha rrobat, i fusin në një thes të zi dhe i kanë djegur më pas. Ka dhe pamje, ku ata shfaqen me lopata dhe kazma, që ngre dyshime se ata e kanë varrosur trupin e pajetë. Çështja ka kaluar në kompetencë të SPAK, pasi ka dyshime të forta dhe prova që këta persona kanë vepruar në kuadër të një grupi të strukturuar kriminal. Mënyra si veprojnë me trupin e pajetë është makabre. Është një hetim i nisur që më 17 janar, kur Prenga u mor peng. Hetimi do të shtrihet në 3-4 qytete të vendit, ku janë përfshirë njëherësh disa grupe kriminale?, tha Lala./ CNA.al





Lajmet e fundit nga