web counter
LEXO PA REKLAMA!

SHKARKO APP

App Store
Google Play

Kontrolle të rrepta në Fier/ Arrestohen 3 persona

12 Shkurt 2020, 12:07, Kronika CNA

Vijon zbatimi i planit të masave, për rritjen e parametrave të sigurisë.

Policia e Fierit, ka zhvilluar kontrolle të shumta për kapjen e personave të shpallur në kërkim dhe atyre që mbajnë armë pa leje.

Gjithashtu janë bërë edhe kontrolle në drejtim të qarkullimit rrugor, për evidentimin dhe ndëshkimin e atyre që drejtojnë mjetin në gjendje të dehur apo pa leje drejtimi.

Gjatë orëve të vona të mbrëmjes, specialistët për hetimin e krimeve në Komisariatin e Policisë Fier, gjatë kontrolleve të ushtruara, arrestuan në flagrancë shtetasin:M. K., 20 vjeç, banues në Skrapar.

Gjatë kontrollit personal, këtij shtetasi ju gjet një armë zjarri automatik dhe 1 krehër me 10 fishekë, vepër penale për të cilën parashikohet dënimi deri në 7 vite burg.

Specialistët e Sektorit për Hetimin e Narkotikëve në DVP Fier kapën dhe ndaluan shtetasin e shpallur në kërkim:A. S., 30 vjeç, banues në Divjakë.

Ndalimi i këtij shtetasi u bë, pasi Gjykata e Shkallës së Parë Lushnjë ka vendosur ndaj tij masën e sigurimit ?Arrest në burg?, për veprën penale ?Prodhimi dhe shitja e narkotikëve?.

Ndërkohë, kontrollet kanë vijuar dhe nga Policia Rrugore, për evidentimin dhe ndëshkimin e shkelësve të Kodit Rrugor dhe si rezultat u arrestuan në flagrancë shtetasit: R. K., 30 vjeç, banues në Lushnjë, pasi drejtonte mjetin pa leje drejtimi dhe J. Xh., 33 vjeç, banues në Fier, pasi drejtonte mjetin në gjendje të dehur.

Kontrollet e Policisë do të vijojnë edhe në ditët në vazhdim, me qëllim rritjen e parametrave të sigurisë./CNA.al





Lajmet e fundit nga