Pa drejtues dhe pa anëtarë/ Zbulohen vakancat në disa prej institucioneve publike

6 Shkurt 2020, 14:45, Aktualitet CNA

Zbulohen vakancat në disa prej institucioneve publike të vendit.

CNA.al ka zbuluar se disa prej institucioneve publike kanë ngelur pa drejtues ose me drejtues të komanduar.

Vakancant nuk janë proceduar ende nga Kuvendi, disa prej tyre kanë filluar ndërsa disa kanë ngecur.
Vendet bosh fillojnë me Komisionit Qendror të Zgjedhjeve e më pas me anëtarët e Këshillit Drejtues të RTSH, të cilëve u kanë mbaruar mandatet.
Më pas vjen Aurotiteti i Mediave Audiovizive ku edhe kryetarit Gentian Sala i ka mbaruar mandati 5 vjeçar që në 6 nëntor të vitit 2019.

Ndërkohë janë dhe 2 anëtarë të AMA-s të cilëve u ka mbaruar mandate dhe një tjetër i cili është shkarkuar me vendim të Kuvendit më 7 korrik.

Më tej lista vzhdon me Bankën e Shqipërisë ku ka një vend vakant për anëtar të BSH, pas shkarkimit të Arben Malajt.
Autoriteti i Konkurrencës ka një vend vakant për komisioner.
AIDSSH ka një vend vakant për anëtar pas dorëheqjes së Daut Gumenti në mars të 2018.
Në Autoritetin Mbukqyrës të Financave ka një vend vakat për Drejtorin e Përgjithshëm Ekzekutiv dhe një tjetër pwr zëvendsëdrejtor.

Gjithashtu kryetarit të Kontrollit të Lartë të Shtetit, Bujar Leskaj i ka përfunduar mandati në 15 dhjetor të vitit 2018.
Në total janë 18 vende vakante në këto institucione publike të vendit.
Disa të shpallura disa ende jo që pritet të zëvëndësohen apo rikonfirmohen në detyrë.
Pra disa institucione vazhdojnë të funksionojnë edhe pse drejtuesve të tyre apo përfaqësuesve iu kanë mbaruar mandatet. Ka dhe prej tyre të cilët janë ende në detyrë apo të tjerë që kanë dhënë dorëheqjen me kohë.
Vendet vakante:
6 vende vakante për anëtarë në Këshillin Drejtues të RTSH
4 vende vakante te Autoriteti i Mediave Audiovizive AMA.
1 vend vakant për kryetar i AMA dhe 3 vende vakantë për anëtarë të AMA
1 vend vakant për anëtar të Bankës së Shqipërisë pas shkarkimit të Arben Malajt
1 vend vakant për komisioner në Autoritetin e Konkurrencës (AK)
1 vend vakant për anëtar të AIDSSH
2 vende vakant për anëtar në KQZ
2 vende vakante në AMF, drejtor i Përgjithshëm Ekzekutiv dhe zv. drejtor