web counter
LEXO PA REKLAMA!

SHKARKO APP

App Store
Google Play

E fundit!

x

Albin Kurti prezanton emrat e kabinetit të ri qeveritar/ Vjosa Osmani ngelet me “gisht në gojë”

3 Shkurt 2020, 14:14, Kosova & Bota CNA

I mandatuari për postin e kryeministrit të Kosovës Albin Kurti ka prezantuar sot kabinetin e ri qeveritar, që do të miratohet sot në Kuvend.

Siç raportojnë mediat kosovare, zëvendëskryeministri i parë do të jetë Avdullah Hoti, ndërsa zëvendëskryeministri i dytë, Haki Abazi.

Ashtu sikurse kishte paralajmëruar, Kurti tha se kabineti qeveritar do të ketë 15 ministri. Por, një detaj që ra në sy ishte se Albin Kurti duket se nuk i ka besuar asnjë ministri Vjosa Osmanit, të LDK-së, e cila një ditë më parë refuzoi postin e kryeparlamentares.

Po ashtu mësohet se zëdhënësi i LDK-së dhe deputeti i legjislaturës së shtatë, Besian Mustafa tashmë e tutje do të jetë ministër i Bujqësisë, Anton Quni është nominuar për ministër të Mbrojtjes dhe Lumir Abdixhiku, ministër i Infrastrukturës dhe Transportit.

Dy gratë e propozuara për ministre, nga radhët e LDK-së janë, Vlora Dumoshi e cila do të jetë në krye të Ministrisë së Kulturës, Rinisë dhe Sportit si dhe Hykmete Bajrami që do të udhëheqë Ministrinë e Arsimit, Shkencës dhe Teknologjisë.

Kështu, Ministër i Punëve të Jashtme do të jetë, Glauk Konjufca, ndërsa ministër i Punëve të Brendshme, nënkryetari i LDK-së, Agim Veliu. Ministre të Drejtësisë nga radhët e LVV-së do të jetë, Albulena Haxhiun, ministër të Integrimeve Evropiane, Blerim Reka. Ministër i Financave dhe Transfereve, Besnik Bislimin, ndërsa ministre e Ekonomisë, Rozeta Hajdarin, ndërsa dikasteri i Ministrisë së Shëndetësisë i është besuar Arben Vitisë.





Lajmet e fundit nga