web counter
LEXO PA REKLAMA!

SHKARKO APP

App Store
Google Play

Zyrtare/ Nënshkruhet marrëveshja mes Vetëvendosjes dhe LDK-së për qeverinë e re

2 Shkurt 2020, 09:25, Kosova & Bota CNA

Lëvizja Vetëvendosje dhe Lidhja Demokratike e Kosovës kanë nënshkruar sot marrëveshjen për koalicion qeverisës, duke i hapur rrugë krijimit të kabinetit qeveritar.

Qeveria e re do të ketë 15 ministri dhe 33 zëvendësministra, 6 ministri do të drejtohen nga VV, 6 nga LDK dhe 3 të tjera do të shkojnë për komunitetet

Kyetari i Parlamentit do të jetë nga radhët e LDK-së, pavarësisht se në seancën e dhjetorit të shkuar në këtë pozicion u zgjodh Glauk Konjufca nga radhët e Vetëvendosje.

Gjatë fjalës së tij para mediave Albin Kurti tha se ky nuk ishte një proces i lehtë. ?U dakordësuam për të zgjedhur qeverinë e re. Ne e kemi nënshkruar marrëveshjen dhe jemi marrë vesh për të gjitha. Kryetari Mustafa do mbajë mbledhje të Këshillit të Përgjithshëm. Unë si kryetar i Vetëvendosje mësova se po organizohet referendumi. Ishte një proces jo i lehtë.”

Ndërkaq, Isa Mustafa, theksoi se ky hap do të jetë në të mirë të Kosovës. ?Ne kemi arritur marrëveshje. E vlerësojmë e është marrëveshje në dobi të Kosovës. Marrëveshja është rezultat i mirëkuptimi dhe një pune mjaft të gjatë. Kemi hulumtuar të gjitha alternativat dhe kemi ardhur në një zgjidhje që mendojmë se është në interes të Kosovës.?

Qeveria e re e Kosovës pritet të votohet ditën e hënë në seancën e thirrur nga i mandatuarit për kryeministër Albin Kurti./CNA.al





Lajmet e fundit nga