web counter
LEXO PA REKLAMA!

SHKARKO APP

App Store
Google Play

E fundit!

x

Zgjedhjet e parakohshme në MV/ Zaev i hapur për koalicion me partitë shqiptare

31 Janar 2020, 21:10, Kosova & Bota CNA

Ish kryeministri i Maqedonisë së Veriut, aktualisht kreu i LSDM-së Zoran Zaev, tha se partia që ai drejton është e gatshme për zgjedhjet e parakohshme parlamentare.

Zaev deklaroi se në zgjedhje dëshiron të garojë në koalicion me partitë shqiptare.

?Për ne ajo mundësi është e hapur, kemi mundësi me të gjithë, fillimisht me partnerin tradicional që jemi në Qeveri kemi bisedime, kemi bisedime edhe me partitë opozitare. Kur flas për BDI-në, flas edhe për Alternativën dhe PDSH-në që janë pjesë e Qeverisë, në koalicionin tonë, por kemi komunikime të hapura edhe me Besën dhe Aleancën për shkak se bashkë votuam për ndryshimet Kushtetuese, bashkë e votuam ligjin për përdorimin e gjuhëve, bashkë votuam një pjesë të reformave, në të mirë të shtetit?, u shpreh ai në një prononcim për mediat, ndërsa theksoi se një koalicion i mundshëm parazgjedhor mund të lidhet me parti politike shqiptare, pasi i cilësoi si të barabarta me partitë e tjera.

?LSDM-ja është pozitiv edhe për koalicion parazgjedhor me parti politike shqiptare për shkak se nuk kemi paragjykime, për ne qytetarët janë qytetarë, nuk i ndajmë në baza etnike, besojmë në një shoqëri për të gjithë me mendoj se duhet të bëjmë një hap më tepër për zhvillimin e konceptit një shoqëri për të gjithë ku në fund të ditës të gjithë jemi vetëm qytetarë, mund të kemi përkatësi të ndryshme, fetare, etnike, kulturore, sociale e politike, por në fund jemi qytetarë që vlejmë njëjtë, kështu që është e mundur që në fund të muajit shkurt ose fillim të marsit kur sillen vendimet për zgjedhjet e parakohshme parlamentare të keni koalicione nga parti multietnike siç jemi ne, por edhe parti politike shqiptare, turke, rome etj?, tha Zoran Zaev./ CNA.al





Lajmet e fundit nga