web counter
LEXO PA REKLAMA!

SHKARKO APP

App Store
Google Play

Bllokohet krocera me 6 mijë pasagjerë në Itali/ Dyshohet për një pasagjere me Coronavirus

30 Janar 2020, 12:11, Kosova & Bota CNA

Një grua kineze me simptoma të coronavirusit ka alarmuar të gjithë Italinë.

Mësohet se gruaja nga Hong Kongu ishte pasagjere në një krocere me 6 mijë pasagjerë, së bashku me bashkëshortin. Autoritetet e shtetit fqinj kanë bllokuar kroceren në portin e Civitavecchias, ndërsa çiftin e kanë futur në izolim.

Te bashkëshorti nuk është hasur asnjë shenjë, përkundër gruas së tij, e cila ka pasur ethe dhe simptoma të buta gripi, raporton ?Ansa?.

Kjo masë është marrë për të qenë të sigurt për shëndetin e qytetarëve dhe për të përjashtuar ngjitjen me koronavirus.

Mjekët kanë dërguar mostra në spitalin Spallanzani në Romë dhe rezultatet pritet të dalin pasditen e sotme.

Çifti kishte mbërritur nga Hong Kongu në aeroportin e Milan Malpensa më 25 Janar dhe më pas u nis për në Savona, ku hipën në anije për lundrim. Në anije ka 751 kinezë përfshirë Hong Kongun, nga të cilët 374 u nisën në Savona.

Anija lundruese ‘Costa Smeralda’, ishte ndalur në Marsejë, Barcelona dhe Palma de Mallorca gjatë lundrimit. “Situata është nën kontroll dhe për momentin nuk ka arsye për shqetësime në bord,” thotë Kapiteni i Rojes Bregdetare të bregdetit të Lazios , Vincenzo Leone.

“Të gjitha protokollet janë duke u ndjekur dhe ne do ta mbajmë çështjen të monitoruar vazhdimisht,” deklaroi kryetari i Civitavecchia Ernesto Tedesco./ CNA.al





Lajmet e fundit nga