E fundit!

10:54 Aktualitet

Dosja Meta/ Sot seanca në GJKKO, mbështetësit e ish-presidentit para gjykatës

Sot në GJKKO do të zhvillohet seanca ndaj ish-Presidentit ...

“Reforma në Drejtësi në xhepin e një polici të KÇK-së!”/ 10 pyetjet e Vasilit

2 Shkurt 2020, 12:46, Politikë CNA

Nënkryetari i LSI-së Petrit Vasili ngre akuzat se Reforma në Drejtësi është në xhepin e një polici të KÇK-së.

Vasili e cilëson Reformën në Drejtësi dhe KÇK-në si model junte policore që nuk ka lidhje me asnjë model demokratik perëndimor të organizimit të shtetit, ndarjes së pushteteve dhe respektimit të lirive dhe të drejtave të njeriut në demokraci.

Sipas tij, kushdo, që mbron një moster të tillë si KÇK-ja thjesht bën avokatin e shkatërrimit të shtetit ligjor, bën avokatin e Edi Ramës që ai të shantazhojë çdo gjykatës e prokuror, që nuk jep vendimet që do ai, të shantazhojë këdo që do të hetojë dhe gjykojë vetë Edi Ramën.

?Reforma në Drejtësi u bë për të luftuar krimin, korrupsionin dhe paratë e pista ku mbeështetësi i provuar i tyre është vetë qeveria e rilindjes që e çoi Shqipërinë në tre vendet më të korruptuara të botës dhe e ktheu Shqipërinë sipas DASH në bazë të krimit të organizuar për aksione kundër SHBA, Europës, Amerikës Latine dhe Lindjës së Mesme.

Reforma në Drejtësi me KÇK-në u zëvendësua me Koçi Xoxizmin e rilindjes. Reforma në Drejtësi u bë për t?i dhënë pavarësinë e plotë drejtësisë nga politika. Reformeës në Drejtësi i është bërë një atentat i vërtetë. Reformës në Drejtësi me KÇK i është shkulur thelbi i saj paanësia dhe barazia përpara ligjit që nga qeveritari më i lartë deri tek qytetari më i thjeshtë?, shkruan ai në një postim në rrjetet sociale.

Më tej, Vasili shtron pyetjet nëse është e pavarur drejtësia kur KÇK e drejton Ministri i Brendshëm, kur SPAK vendoset nën urdhërat e Lleshajt, kur policia del mbi Gjykatat, kur Prokurori i Përgjithshëm vihet nën urdhërat e Lleshajt, kur ministrat që mund të jenë vetë nën akuzë kanë nën varësi akuzuesit si SPAK.

Ai vijon me pyetjet për pavarësinë e drejtësisë kur vihet nën urdhërat e qeverisë dhe të një drejtori policie, ?kur KÇK pra Qeveria është një strukturë haptas antikushtetuese?, kundër Kodit Penal dhe atij të Procedurës Penale, mbi Gjykatat dhe kur kompetencat rrëmbehen nga qeveria dhe policia e saj.

Vasili ka publikuar edhe Komitetin e KÇK-së, struktura e të cilës përbëhet nga Ministri i Brendshëm në postin e kryetarit, ministri i Drejtësisë, ministri i Financave dhe Ekonomisë, Prokurori i Përgjithshëm, drejtuesi i Prokurorisë së Posaçme kundër Korrupsionit dhe Krimit të Organizuar, drejtori i Shërbimit Informativ të Shtetit, drejtori i Përgjithshëm të Policisë së Shtetit, drejtori i Qendrës së Koordinimit kundër Ekstremizmit të Dhunshëm dhe drejtori i Përgjithshëm të Drejtorisë së Parandalimit të Pastrimit të Parave.

?Struktura zbatuese do të jetë (OFL) (Operacioni Forca e Ligjit) në varësi të drejtpërdrejtë të Drejtorit të Përgjithshëm të Policisë së Shtetit, e drejtuar nga drejtori i Departamentit të Policisë Kriminale?, thekson nënkryetari i LSI-së/ CNA.al