web counter
LEXO PA REKLAMA!

SHKARKO APP

App Store
Google Play

E fundit!

x

Skafi i braktisur në Vlorë vinte nga Greqia/ Zbulohet si i shpëtoi autoriteteve nga duart

30 Janar 2020, 10:17, Kronika CNA

Policia jep detaje pas gjetjes së një skafi të braktisur në Plazhin e Vjetër në Vlorë, gjatë mëngjesit të sotëm.

Blutë bëjnë me dije se skafi ka ardhur nga ujërat greke drejt Shqipërisë, në tentativë për t?i shpëtuar operacionit të përbashkët mes Policisë së Shtetit, Frontex-it, GDF-së dhe rojës bregdetare.

Ata kishin gjurmuar dhe ishin vënë në ndjekje të dy mjeteve lundruese gomone që ishin nisur nga shteti grek, në drejtim të brigjeve shqiptare.

Autoritetet janë njoftuar ditën e djeshme rreth orës 16:00, se dy mjete lundruese tip gomone ishin pikasur në Korfuz nga avioni i Forntex-it, janë duke lundruar drejt ujërave shqiptare dhe menjëherë janë vënë në lëvizje të gjitha shërbimet policore nga uji, toka, po ashtu edhe nga ajri.

Ky operacion ka vijuar nga shërbimet e Policisë Kufitare Vlorë, forcat e Drejtorisë Vendore të Policisë, Delta Forcë dhe Guardia di Finanza, roja bregdetare, si dhe nën koordinimin orientues të QNO Durrës,  duke  mbajtur kontakte edhe me avionin e Frontex-it që kryente ndjekjen nga ajri, me qëllim bllokimin e mjetit dhe kapjen e bordit që drejtonte gomonen.

Gjatë ndjekjes, një mjet lundrues është kthyer përsëri në ujërat greke, ndërsa mjeti tjetër lundrues tip gomone me 3 motorë të llojit “Yamaha”, në orët e para të mëngjesit të sotëm, duke përfituar nga kushtet atmosferike dhe errësira e natës është braktisur nga ekuipazhi, pranë vendit të quajtur “Plazhi i Vjetër” Vlorë.

Nga kontrolli i ushtruar në mjet nuk është gjetur asnjë send apo material i kundërligjshëm.

Gjithashtu, nga të dhënat paraprake të avionit të Frontex-it që ka kryer ndjekjen nga ajri në bordet e gomoneve nuk janë konstatuar sende të tjera, përveç bidonëve me karburant.

Ndërkohë, po vijon puna për dokumentimin e plotë të ngjarjes, si dhe për identifikimin dhe kapjen e autorëve./ CNA.al





Lajmet e fundit nga