E fundit!

11:39 Aktualitet

Rama ka ndërhyrë për Ballukun?/ Braho-opozitës: Paraqitini provat në SPAK

Deputetja Elda Hoti në Komisionin për Nismat Qytetare ka d...

Mitdhënie, të dehur në timon dhe pa patentë/ Rrugorët e Tiranës arrestojnë 7 shoferë “problematikë”

29 Janar 2020, 14:51, Kronika CNA

Policia Rrugore e Tiranës ka kryer kontrolle të shumta në akse rrugore, duke arrestuar shoferë për mit-dhënie, por edhe për drejtim në gjendje të dehur apo pa leje drejtimi.

Rrugorët e kryeqytetit, në zbatim të Planit Operacional Tispol për ?Targat e humbura, të vjedhura dhe të çregjistruara 2020?, si dhe në zbatim të detyrave për rritjen e kontrolleve kryesisht në njollat e zeza, me qëllim parandalimin e aksidenteve rrugore, rritjen e sigurisë rrugore dhe asaj publike, kanë shtuar kontrolle në të gjithë territorin.

Kontrollet janë përqendruar në rrugët me risk të lartë për aksidentet rrugore, si dhe në verifikimet e serviseve, pikave të shitjeve të automjeteve dhe pjesëve të këmbimit, për gjetjen dhe dokumentimin e targave apo mjeteve që kanë interes për strukturat e tjera policore.

Si rezultat i kontrolleve të kombinuara, gjatë 24 orëve të fundit janë arrestuar në kushtet e flagrancës 7 drejtues mjetesh, nga të cilët:

2 për drejtim mjeti në gjendje të dehur dhe 1 për ?Korrupsion aktiv ndaj personave që ushtrojnë funksione publike?, të arrestuar nga shërbimet e trafikut urban; 3 të papajisur me leje drejtimi, të arrestuar nga shërbimet e Policisë Rrugore interurbane dhe 1 drejtues mjeti për veprat penale ?Shkelja e rregullave të qarkullimit rrugor?, ?Largim nga vendi i aksidentit? dhe ?Mosbindja ndaj urdhrit të ligjshëm të punonjësit të rendit publik?, i cili rrezikoi jetën e përdoruesve të tjerë të rrugës dhe efektivëve të Policisë Rrugore në zonën e Kamzës, për shkak të manovrave të rrezikshme gjatë tentativës për t?u larguar nga vendi i ngjarjes dhe me qëllim shmangien e Policisë Rrugore.

Falë ndjekjes pa ndërprerje nga efektivët e Policisë Rrugore interurbane, u bë i mundur ndalimi dhe arrestimi në flagrancë pranë banesës së tij dhe nga verifikimi drejtuesi i këtij mjeti rezultoi edhe me precedent policor dhe penal të mëparshëm, për vepra të tjera penale.
Te gjitha shërbimet e trafikut urban dhe atij interurban në Komisariatin Rajonal të Policisë Rrugore Tiranë vijojnë kontrollet në funksion të Planit Operacional, për monitorimin e trafikut dhe kontrollet e kombinuara me radar e drager, me qëllimin e vetëm, parandalimin e aksidenteve rrugore dhe rritjen e së sigurisë së jetës në rrugë.