Klodian Lala tregon si u nxorr i pajetë trupi i Jan Prengës nga resorti luksoz

28 Janar 2020, 21:38, Kronika CNA

Gazetarja Klodiana Lala ka zbardhur detaje të reja, nga rrëmbimi dhe më pas vdekja e Jan Prengës.

E ftuar në emisionin ?Opinion?, Lala, tregoi se hetuesit shqiptarë, kanë pamje filmike që trupi i pajetë i Jan Prengës është nxjerrë nga resorti luksoz i Hajrave.

?Në momentin që ka një pengmarrje në mes të ditës, me një makinë luksoze siç është “Range Rover? , padiskutim që ka diçka për policinë që nuk shkon.

Në momentin e parë, kur u mësua identiteti i Jan Prengës, policia me të drejtë filloi hetimet për të parë nëse kishte rekorde kriminale dhe në fakt rezulton se pesoni që tashmë sipas policisë, ka gjetur vdekjen dhe është groposur diku në rrethinat e Shijakut nga pjestarët e fisit Hajri, kishte patur më herët emrin Dodë Prenga, kishte jetuar si emigrant, nuk kishte rekorde kriminale, por ndërkohë kishte dyshime qe vëllai i tij ishte përfshirë në trafik droge.

Ngjarja ka ndodhur në mes të rrugës, ka pasur një përleshje, ai ka bërë rezistencë. Ka ndodhur përpara një parukerie, madje edhe zonja që punonte për të bërë flokët është thirru në polici dhe ka dhënë shpjegime. Janë sekuestruar disa kamera. Makina rezultonte se ishte vjedhur një këngëtari tallavaje, dhe ai e kishte bërë denoncimin pikërisht në datën 26 nëntor kur ka rënë tërmeti. Ai pretendonte që i ishte vjedhur ky automjet dhe më pas kjo makinë u gjet e djegur dhe targat ishin të falsifikuara.

Në momentin që policia zbuloi që vëllai i perosnit të marrë peng kishte rekorde të theksuara kriminale dhe autoritetet britanike po shkëmbejnë informacion me palën shqiptare, sigurisht që pjesa e hetimit kaloi tek çështja e trafikut të drogës.

Duke qenë se kishin një panoramë të qartë për grupin kriminal me të cilin vëllai i tij ishte përplasur, autoritetet shqiptare u drejtuan në drejtim të Durrësit dhe u sekuestraun të gjitha kamerat e sigurisë në zonë që mendonin se mund të zbulonin autorët. Janë disa kamera sigurie, mes tyre edhe e resortit ku ai është mbajtur.

Mendoj se këta që janë përfshirë në çështjet e trafikut, kam përshtypjen se e shikojnë veten si të paprekshëm.

Sipas hetuesve shqiptarë, ka pamje filmike që trupi i pajetë i Jan Prengës është nxjerrë nga resorti luksoz. Dhe dua të theksoj që pronarët e këtij resorti, pjestarët e fisit Hajri, janë persona të skeduar më herët. Autoritetet italiane i kanë hetuar në vitin 2015?., theksi Lala./CNA.al