web counter
LEXO PA REKLAMA!

SHKARKO APP

App Store
Google Play

Kërkoheshin për vrasje dhe trafik droge/ Ekstradohen nga Italia dy të rinj shqiptarë

28 Janar 2020, 16:40, Kronika CNA

Kapen në Itali dhe ekstradohen drejt Shqipërisë dy persona të kërkuar, të dyshuar për vrasje dhe trafikim të narkotikëve.

Mësohet se nga bashkëpunimi i Interpol Tiranës me homologët është ekstraduar nga Roma drejt vendit tonë, shtetasi shqiptar me iniciale I. M. (S)., 32 vjeç.

I riu ishte shpallur në kërkim ndërkombëtar, pasi Gjykata e Rrethit Gjyqësor Vlorë, i ka caktuar masën e sigurisë ?Arrest në burg?, për veprat penale? Vrasje në rrethana cilësuese ? kryer në bashkëpunim, mbetur në tentativë dhe ?Armëmbajtja pa leje?.

Më datë 10.05.2019, shërbimet e Policisë Vlorë janë njoftuar për një ngjarje kriminale, për të cilën shtetasi I. M., në bashkëpunim me shtetasit F. T., G. D., D. E dhe A. L. janë autorë të dyshuar se kanë qëlluar me armë zjarri nga automjeti tip ?Land Rover? në drejtim të një grup personash, në pjesën e jashtme të një lokali te Ujë i Ftohtë.

Gjithahstu është ekstraduar nga Milano shqiptari me inciale L. S., 31 vjeç, lindur në Laç. Ai ishte shpallur në kërkim ndërkombëtar nga Z. Q. K Interpol Tirana, pasi Gjykata e Rrethit Gjyqësor Krujë, me vendimin penal nr. 271, datë 29.07.2016, i ka caktuar masën e sigurisë ?Arrest në burg?, për veprën penale “Prodhimi dhe shitja e lëndëve narkotike”.

Më datë 28.07.2016, në automjetin që drejtohej nga shtetasi L. S. janë gjetur dhe sekuestruar 6 kg e 615 gr. cannabis sativa. Në momentin e ndërhyrjes së shërbimeve të Policisë Durrës, ky shtetas është larguar menjëherë./ CNA.al





Lajmet e fundit nga