web counter
LEXO PA REKLAMA!

SHKARKO APP

App Store
Google Play

Operacioni blic në Shkodër për pengmarrjen e Prengës/ Policia jep detaje

30 Janar 2020, 09:41, Kronika CNA

Policia e Shtetit jep detaje për operacionin e sotëm në qytetin e Shkodrës, i cili u blindua nga forca të shumta të RENEA-s.

Blutë raportojne se kontrollet u ushtruan në sajë të operacionit “Resorti”, me qëllim sigurimin e provave për zbardhjen dhe dokumentimin e plotë të ngjarjes mbi rrëmbimin e Jan Prengës, të ndodhur në rrugën ?London?, Kamzë, si dhe kapjen e autorëve të tjerë të përfshirë në këtë ngjarje me pasojë humbjen e jetës së shtetasit J. P.

Në këtë kuadër, në qytetin e Shkodrës dhe rrethinat e saj, mëngjesin sotëm janë ushtruar kontrolle në banesa, biznese, magazina e objekte të braktisura dhe si rezultat i kontrollit janë siguruar prova të vlefshme që shërbejnë për zbardhjen dhe dokumentin e plotë të ngjarjes.

Ndërkohë, raportohet se Sektori për Krimet e Rënda në DVP Tiranë, në bashkëpunim me Prokurorinë  e Tiranës, vijon veprimet për sigurimin e çdo prove të vlefshme që i shërben ngjarjes, si dhe për kapjen e personave të tjerë që janë të implikuar në këtë ngjarje./ CNA.al





Lajmet e fundit nga