web counter
LEXO PA REKLAMA!

SHKARKO APP

App Store
Google Play

Ishin kthyer në tmerrin e qytetarëve/ E pësojnë keq dy “skifterët” lezhianë

30 Janar 2020, 08:09, Kronika CNA

Policia e Lezhës ka bërë të mundur vënien në pranga të dy shtetasve të shpallur në kërkim, për veprat penale “Vjedhja” e kryer në bashkëpunim dhe “Moskallëzimi i krimit”, si dhe janë zbardhur një seri vjedhjesh të ndodhura gjatë muajit janar 2020.

Sipas uniformave blu në pranga kanë rënë shtetasit: E. U.,19 vjeç dhe E. C.,16 vjeç, të dy banues në Lezhë.

Në bazë të hetimeve dhe të provave materiale të grumbulluara nga grupi hetimor rezulton se shtetasit e lartpërmendur, në bashkëpunim me njeri-tjetrin, janë autorë të disa vjedhjeve të ndodhura gjatë muajit janar, konkretisht:

-Më datë 25.01.2020 kanë vjedhur në një servis, në autostradën Lezhë-Milot, disa vegla si: pistoletë e madhe ajri e gomisterisë, 3 pistoleta ajri të vogla, 2 gurë fresibël dhe 2 trapanë, me vlerë rreth 2500 euro.

-Më datë 14.01.2020 kanë vjedhur në ambientet e Kryqit të Kuq në Lezhë disa artikuj ushqimorë.

Më datë 14.01.2020, në lagjen “Besëlidhja”, Lezhë, kanë thyer xhamin e makinës tip “Opel”, në pronësi të shtetasit Gj. F., me qëllim për të vjedhur.

-Më datë 04.01.2020 kanë vjedhur me thyerje dyqanin e firmës Brunes Sh. P. K., ku kanë marrë serverin e kamerave të vëzhgimit dhe një celular.

Materialet i kanë kaluar Prokurorisë së Rrethit Gjyqësor Lezhë, për veprat penale “Moskallëzimi i krimit” dhe ”Vjedhja”, e kryer në bashkëpunim, për të cilën parashikohet dënimi deri në 5 vite burg.





Lajmet e fundit nga