web counter
LEXO PA REKLAMA!

SHKARKO APP

App Store
Google Play

E fundit!

x

Arrestimi i vëllait të ish-shefit të qarkullimit/ Gjunkshi akuza të forta

18 Janar 2020, 14:59, Politikë CNA

Demokrati Xhemal Gjunkshi ka reaguar për arrestimin e Pajtim Agës, vëllait të ish-shefit të qarkullimit të Dibrës, Robert Aga.

Gjunkshi përmend faktin se Robert Aga është një nga personazhet e dalë në përgjimet e publikuara nga media gjermane ?BILD?, si i përfshirë në dosjen 184 ose siç njihet ndryshe dosja e Dibrës.

?Sipas Ministrit Lleshaj nuk janë prova përgjimet e bëra nga Prokuroria Shqiptare, nuk janë prova informacionet e siguruara nga Shërbimet Inteligjente Shqiptare dhe ato të Agjencive të Huaja të Inteligjencës?, shprehet se ish-deputeti demokrat i qarkut të Dibrës.

Gjunkshi thotë se qeveria Rama po hesht, pasi pretendon se kanë lidhje të forta me botën e krimit, grupet e strukturuara kriminale që mbështesin, ushqejnë, drejtojnë dhe komandojnë në këtë vend.

?Drejtuesit e Policisë së Shtetit , Ministri Lleshaj janë të pafuqishem për të luftuar krimin, rrjetet e strukturuara kriminale.

Nuk ka asnjë shpjegim që ish Shefi i Komisaritit Dibër, Robert Aga i përfshirë në Dosjen 184, në vjedhjen e votave në Dibër, në kundërshtim me ligjin vazhdon të qëndrojë në radhët e Policisë.

Ligjin e bën i forti. Janë këto të fortë që ecin si Padrino, jo vetëm në Diber por kudo. Ka kaluar shumë kohë që Edi Rama hesht, që Ministri Lleshaj megjithë informacionin e mjaftueshem që ka në lidhje me inkriminimin e drejtuesve të Policisë, vazhdon ti mbajë në rradhët e policisë këta drejtues, të përfshirë në veprimtarinë kriminale të mbjelljes dhe trfikimit të lëndëve narkotike?, deklaron ai.

Gjunkshi thekson se Pajtim Aga, është ndaluar në vitin 2016 në Lezhë, për përfshirje trafik kokaine dhe mbrëmë u kap dhe u ndalua në flagrancë në grupin e tregtimit të lëndëve narkotike në formë çokollate.

Demokrati kërkon reagime nga Sandër Lleshaj dhe policia./ CNA.al





Lajmet e fundit nga