web counter
LEXO PA REKLAMA!

SHKARKO APP

App Store
Google Play

Vangjel Dule kërkon drejtësi për vrasjen e Kacifas/ Qeveria, asnjë hap konkret për ligjin e minoriteteve

12 Janar 2020, 15:15, Politikë CNA

Kryetari i PBDNJ, Vangjel Dule nga Derivçani ka kërkuar drejtësi për vrasjen e ekstremistit grek, Kacifas. Sipas Dules, ndonëse kanë kaluar më shumë se dy vjet nga ligji për të drejtat e minoriteteve, nga ana e qeverisë ende nuk është ndërmarrë asnjë hap konkret.

?Që prej vitit 2017 muaji tetor, parlamenti votoi një ligj për të drejtat e minoriteteve që për mendimin tonë nuk u përgjigjej kërkesave të kohës. Megjithatë edhe ai ligj që kërkonte një numër vendimesh të këshillit të ministrave për tu konsideruar i plotë dhe që qeveria ishte angazhuar në BE se do ti plotësonte deri në maj 2018, ende dhe sot janar 2020 nuk është ndërmarrë asnjë hap konkret.

Nga ana tjetër është sfida e regjistrimit të popullsisë, pas regjistrimit të dështuar të vitit 2011. Ende ligji i kritikuar nga të gjitha organizmat ndërkombëtar mbetet problematik dhe i pa amenduar.

Sipas Dules, janë ende të paidentifikuar përgjegjësit e akteve vandale ndaj tabelave dygjuhëshe. Ndërsa tha se nuk ka asnjë relacion zyrtar për vrasjen e Kacifas.

?Ajo që është më negative është se përgjegjësit e akteve vandale, shpesh herë ndaj tabelave dy gjuhëshe apo monumenteve janë ende të paidentifikuara. Këtu duhet shtuar se edhe pse në shkelje të afateve kohore nuk kemi një relacion zyrtar edhe për vrasjen e Kacifas, tetorin e  2018.?, theksoi Dule, në përvjetorin e 29 të organizatës Omonia./CNA.al

 





Lajmet e fundit nga