web counter
LEXO PA REKLAMA!

SHKARKO APP

App Store
Google Play

Banorët në alarm/ Mbetjet spitalore në det...

12 Janar 2020, 19:06, Sociale CNA

Në grykëderdhjen e lumit Shkumbin, në zonën e plazhit të Vilë Bashtovë, në Kavajë, një masiv plastikash, kanaçesh dhe qelqurinash ku nuk mungojnë as mbetjet spitalore, janë pamje që veç qeverinë nuk alarmojnë, ndërsa banorët e zonës prej kohësh kanosen nga ky rrezik. Ndotja në Vilë Bashtovë, shkaktohet nga lumi Shkumbin, në të cilin hidhen mbetje që nga Librazhdi dhe deri në Rrogozhinë, raporton Top Channel.

?Po ato vijnë nga Librazhdi, Prrenjasi, Elbasani. Këto që merren me mbetjet spitalore që i hedhin në lum, ato detyrimisht do vijnë këtu. Kemi dy vjet që nuk kapim peshk, edhe ai që kapim është pothuajse i ngordhur. Levrek, me gotë plastike të përcjellë në stomak edhe ishte gati i ndodhur?, thonë banorët.

Kronika flet se një nga shkaktarët kryesore të ndotjes në Vilë Bashtovë, është fakti që lumi Shkumbin, gjatë rrjedhës së tij, has në vendgrumbullime të tilla, siç është ky pas meje në qytetin e Rrogozhinës dhe një pjesë mbetjeve lumi e merr dhe e depoziton në det.

Edhe vet banorët e zonës shprehen të shqetësuar, për TCH, për mbetjet që depozitohen në vendgrumbullim, por edhe ato që hidhen në lumë.

Më tej, kronika sqaron se lumi Shkumbin ndotet edhe nga fshatrat e Elbasanit, mbetjet e të cilëve përfundojnë në shtratin e tij. Por gjatë rrugës, ka edhe biznese të tilla siç janë midis Elbasanit dhe Peqinit që mbetjet i hedhin në lumë. Të gjitha këto mbetje, që fillojnë të grumbullohen nga Librazhdi, Prrenjasi, Elbasani, Peqini dhe Rrogozhina, lumi Shkumbin, i çon në det.





Lajmet e fundit nga