web counter
LEXO PA REKLAMA!

SHKARKO APP

App Store
Google Play

E fundit!

x

Autoritetet italiane njoftim të rëndësishëm për “Fly Ernest”/ Ja data kur pezullohen fluturimet

10 Janar 2020, 22:01, Sociale CNA

Autoriteti i Aviacionit Civil Italian (ENAC) ka reaguar pas problemeve të shumta të kompanisë ?Fly Ernest?, e cila ka mashtruar qytetarët dhe i ka lënë në mes të rrugës.

Me anë të, një tjetër deklarate zyrtare, kompania njofton se pezullimi për licencën e kompanisë ajrore “Ernest” do të mbetet në fuqi, duke filluar nga ora 00:01 të datës 13 Janar 2020.

ENAC pranon sjelljen e pashembullt të kësaj kompanie, teksa deklaron se nuk do të jetë në gjendje të kryejë asnjë fluturim dhe transportuesi do të pushojë të gjitha operacionet.

Autoriteti italian lë të pashpresë të gjithë udhëtarët që kanë prerë një biletë të ?Fly Ernest?, të datës 13 janar, pasi i kërkon të mos shkojnë në aeroport por të kontaktojnë kompaninë ajrore për çdo informacion.

Aviacioni Civil Shqiptar, bën me dije se, kjo kompani, duhet të ngrihej në fluturim edhe të dielën e 12 janarit, por duket se nuk do të ndodhë, pasi ?Fly Ernest? i ka anulluar të gjitha udhëtimet që duhej të bëheshin me avion me qera.

Menjëherë AAC u lidh me drejtuesit e ENAC, të cilët informuan, se edhe ata si autoritet përgjegjës sapo ishin informuar për këtë vendim të Ernest dhe se kompania ?i kish garantuar se do të bënte rimbursimet e biletave të shitura?.

AAC i bën thirrje qytetarëve të kontaktojnë me kompaninë për bileta të prera me ?Ernest? dhe të bëjnë aplikimin për rimbursim të çmimit të biletës tek faqja zyrtare e kompanisë./ CNA.al





Lajmet e fundit nga