E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Mashtrimi i “Fly Ernest”/ Qytetarët gdhijnë netët në aeroporte

7 Janar 2020, 19:47, Sociale CNA

Kompania ?Fly Ernest? vazhdon të tallet dhe të mashtrojë qytetarët, të cilët i lë shpeshherë në mes të rrugës dhe nuk i kompenson as biletat e udhëtimit.

Rastet më të fundit janë shënuar gjatë 72 orëve të fundit, ku qindra qytetarë janë lënë në pritje në aeroportin shqiptar dhe në atë të Bolonjës në Itali, megjithëse kanë qenë të pajisur me bileta të pronotuara, pasi kompania u ka garantuar lëvizjen në orare fikse.

Kështu, dje në mbrëmje, rreth 200 pasagjerë të linjës Bolonja-Tiranë, pasi janë mashtruar me shtyrjen disaherëshe të orarit të nisjes drejt kryeqytetit shqiptar , kur akrepat kanë shënuar orën 23:00, janë lajmëruar për rimarrjen e valixheve të imbarkuara më parë dhe anulimin e udhëtimit me avionin e ?Fly Ernest?.

Ata janë detyruar t?i marrin valixhet dhe megjithëse kanë protestuar për këtë akt të paturpshëm, që nuk është hera e parë që aplikohet nga kompania, askush nuk ja ka vënë veshin.

Për pasojë, kanë dalë nga aeroporti pa u sqaruar rreth faktit nëse do të rikthehen në destinacionin e tyre me biletat e pronotuara, tek ?Fly Ernest?, apo duhet të blejnë të tjera bileta, siç ka ndodhur në jo pak raste më parë, tek agjencitë e kompanive të tjera, çka don të thotë shpenzime suplementare si pasojë e lojës së mashtrimit nga “Fly Ernest”.

Po e njëjta histori është përsëritur edhe paraditen e sotme në aeroportin ?Nënë Tereza? të Rinasit, ku një numër i konsiderueshëm pasagjerësh janë lënë në pritje, si pasojë e aplikimit të skemës së mashtrimit me oraret nga ana e kompanisë, e cila vetëm gjatë vitit 2019 rezulton të ketë më shumë se 1900 ankesa në drejtim të saj, me kërkesë kompensimin e dëmit të sjellë.

Për këtë ka reaguar, sot në mbrëmje, edhe drejtori i Aviacionit Civil, Krislen Keri. Nga aeroporti i Rinasit “Nënë Tereza”, Keri tha se në orën 17:30′ hallit të pasagjerëve të Rinasit të mashtruar nga “Ernest” i’u dha zgjidhje me nënshkrimin e një kontrate për 3 avionë shtesë pronë e kompanive të tjera, me nisje nga Tirana drejt destinacioneve të prenotuara, por nuk dha asnjë shpresë për pasagjerët e zhgënjyer që gdhinë natën e të hënës në aeroportin e Bolonjës.

Keri tregoi se ndodhej në terren bashkë me stafin e aeroportit, pasi theksoi se stafi e ?Fly Ernest? u largua si shkak i tensionimit të situatës me qytetarët e mashtruar dhe që bëri të nevojshme angazhimin e Policisë së Shtetit.

Drejtori i Aviacionit pranoi, se ?Fly Ernest?, në 72 orët e fundit, ka operuar në mënyrë jo të ndershme dhe tregoi se kjo kompani është gjobitur edhe më parë për këtë skemë mashtrimi. Madje këtë herë kanë qenë autoritetet e shtetit italian ata që kanë caktuar datën 13 janar si afat për tu shprehur nëse do ta lejojnë apo jo “Fly Ernest”-in të vijojë më tej aktivitetin./ CNA.al