E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Foto-Dita e “Ujit Të Bekuar”/ Të rinjë nëpër qytete sfidojnë temperaturat e ulta për kapjen e kryqit

6 Janar 2020, 12:37, Sociale CNA

Dita e sotme simbolizon ditën e ‘Ujit të Bekuar’, ku besimtarët ortodoksë sipas traditës, garojnë për të kapur kryqin që hidhet në ujë nga një prift.

Në Elbasan, ceremonia e hedhjes së kryqit në ujë është zhvilluar në një nga pishinat në periferi të qytetit. Ceremonia e ujit të bekuar në Elbasan u drejtua nga metropoliti i Elbasanit, Shpatit dhe Librazhdit Imzot Andoni. Në ujë u hodhën tre djem ,por kryqi u kap nga 19 vjeçari, Julian Shqau nga Gjinari.

Në qytetin e Vlorës vetëm një person është hedhur në det për gjetjen e kryqit të shenjtë. Klodjan Shani, ka qenë personi i cili ka arritur të kapë kryqin në ujërat e ftohta të detit.

Edhe në qytetin e Korçës nuk i kanë penguar besimtarët të hidhen në ujë për të kapur kryqin e fatit. Kryqi është kapur nga Tomas Menkshi.

Në qytetin e Durrësit, Mesha nisi në Kishën ortodokse ?Apostull Pavli dhe Shen Asti? dhe më pas besimtarët iu drejtuan portit të Durrësit ku të rinjtë sfiduan të ftohtin dhe u hodhën në ujë. Nikolla Bici, 30 vjeç, arriti të kapë kryqin.

Në Sarandë ceremonia nisi me meshën në Kishë e Shën Harallambit dhe më pas besimtarët iu drejtuan bregdetit në Shëtitore. Telemak Papas ishte i riu mes 6 pesonash që arriti të kapte kryqin në ujë.

Besimtarët e krishterë në Fier zhvilluan ceremoninë në kishën e Shën Gjergjit dhe më pas një kortezh besimtarësh janë nisur nga Kisha duke përshkruar rrugën kryesore deri tek shatërvani për të kryer më pas ritualin e hedhjes së kryqit në ujë.
Kryqi është hedhur në ujin e shatërvanit nga imzot Nikolla ndërsa më pas është kapur nga një 16 vjeçar i quajtur Athanas Davidhi i cili më pas u bekua nga imzot Nikolla.

Edhe në qytetin e Beratit, ceremonia e kësaj dite të shenjtë, si çdo vit edhe sot filloi në Kishën e Shën Dhimitrit në qendër të qytetit. 8 të rinj nga të gjitha lagjet e qytetit të Beratit janë hedhur në ujin e ftohtë të lumit për të kapur kryqin. Kryqi u kap nga 42 vjeçari nga Berati, Ferdinad Xhimitiku.