web counter
LEXO PA REKLAMA!

SHKARKO APP

App Store
Google Play

E fundit!

x

Foto-Zbulohet libri i vitit për 2019

10 Janar 2020, 10:41, Satire CNA

Në prag të vitit të ri, CNA.al, me një grup gazetarësh, duke u bazuar në disa kritere dhe argumente, shpalli foton e vitit.

Ne shpallëm foto të vitit, një foto të kreut të Republikës së re, Lulzim Basha duke udhëtuar me ?Bussines Class?, së bashku me bashkëshorten e tij, e cila shfaqet me këmbët përpjetë.

Mjafton kjo foto e kryetarit të opozitës me bashkëshorten e tij në krah, e cila ngre këmbët përpjetë në biznes, duke na treguar arrogancën, pasurinë dhe hallet e tyre të zgjidhura.(Lexo këtu)

Por, nuk mund të mbetej pa ?nderuar? edhe deputeti i Republikës së re, i ?madhi? Klevis Balliu.

Zakonisht ngjarje të tilla publikohen në fund vit, por ne pritëm këto ditët e para të Janarit, pasi pritëm që kauza e Klevis Balliut me Unazën e re të merrte fund.

Dje dhe pardje, IKMT dhe Bashkia e Tiranës kanë prishur godinat e fundit dhe kanë deklaruar se ka mbaruar komplet shembja. Do të bëjnë disa spastrime në zonë dhe firma do të fillojë ndërtimin e Unazës së re.

Ndërkohë që duke pritur me ankth këtë që ndodhi, shfletonim librin e Klevis Balliut, me titull ?Misioni i Unazës?.

Ne e shpallim këtë libër si më të shkëlqyerin, më të përkryerin, me kauzën më të drejtë dhe librin që vërtetë u shkrua dhe solli ?fitoren? e banorëve të Unazës së re.

Po të mos ishte shkruar ky libër i vitit, banorët nuk do të fitonin, as shtëpitë e tyre nuk do të ishin shembur shtëpitë e tyre dhe as nuk do të ishin lënë në rrugë nga qeveria.

CNA.al e ka shkruar që në krye të herës që mjaftonte prania e Klevisit atje, për të kuptuar se pas pak kohësh kauza do të humbte, por gjithësesi ndërtesat u prishën dhe banorët janë lënë në rrugë. Por, kemi fituar. Kemi shpallur dhe librin e Klevis Balliut ?Misioni i Unazës? si libri më i mirë i vitit 2019.

Sepse ky libër na tregoi se çuni i Fahriut, i cili për tetë vjet iu deshën 300 mijë euro të mësonte vetëm anglisht në Universitetet e Britanisë, mund të shkruajë me një fjalor të pasur, dhe mund të na japë edhe vepra të shkëlqyera. Dhe nga ky libër i parë shpresojmë të ketë të tjerë libra, botime të rëndësishmë politike dhe letrare nga personaliteti me vlera të shkëlqyera, Klevis Balliu.

Nuk ka rëndësi nëse ia shkruan babai. Nuk na prish asnjë punë. Mjafton që libri të ketë emrin e Klevisit.

Megjithëse godinat janë shembur dhe kauza ka humbur, libri është në librari. Banorët mund të mbesin rrugëve, por librin dhe Klevisin i kemi. Nuk ka rëndësi çfarë ndodh./ CNA.al

Shpallet foto e vitit

Çuni i Fahriut, simboli i pazarit të Lulit për protestën e “Astirit”





Lajmet e fundit nga