E fundit!

09:42 Aktualitet

“Jam i kërcënuar me jetë, si unë dhe familja ime”/ Flet ish i dënuari, akuza oficerit të policisë gjyqësore

Besmir Gjezari sot ka përfituar lirinë falë projektligjit ...

Tre zyrtarët që u shpallën non grata/ Pse u dogjën Llalla, Doshi dhe Dako

2 Janar 2020, 07:35, Aktualitet CNA

Deputeti socialist ,Tom Doshi, ish-kryeprokurori Adriatik Llalla dhe ish-kryebashkiaku i Durrësit, Vangjush Dako janë tre zyrtarët e shpallur “Non Grata” nga Shtetet e Bashkuara të Amerikës.

Fillimisht ishte Llalla, i cili u shpall “Non Grata”, në shkurt të 2018-ës, së bashku me bashkëshorten dhe dy fëmijët e tij. Ky vendim, u bë i ditur nga sekretari i shtetit, i asaj kohe, Rex Tillerson, i cili tha se Llalla është përfshirë në korrupsion ose shkelje të mëdha të të drejtave të njeriut. Kujtojmë se Llalla u emërua Prokuror i Përgjithshëm në vitin 2012 dhe e mbajti këtë detyrë deri në dhjetor 2017, kur u zëvendësua nga Arta Marku.

Zyrtari i dytë, të cilit iu ndalua hyrja në SHBA, është Tom Doshi me familjen e tij. DASH njoftoi, në prill të 2018-ës, se Doshi është cilësuar si një person i padëshiruar në Amerikë, duke cituar ligjin që parashikon këtë vendim për zyrtarët e përfshirë në korrupsion, ose në raste shkeljesh së të drejtave të njeriut. Ndërkohë Ambasada e SHBA-së, në Tiranë, tha se ai ?dyshohej se ishte i përfshirë në veprimtari kriminale?.

Doshi u shpall “Non Grata” tre vite pas përplasjes me Ilir Metën, asokohe kryetar Kuvendi. Në 2015-ën socialisti akuzoi Metën se kishte paguar një person që ta vriste atë dhe një deputet tjetër. Kjo u mohua nga Ilir Meta, ndërsa Gjykata Penale e Tiranës e shpalli të pafajshëm Doshin ndaj akuzës së ngritur për kallëzim të rremë.

Edhe Vangjush Dako me familjen u shpall “Non Grata”, për përfshirje në korrupsion. Këtë vendim e bëri publik sekretari amerikan i shtetit, Mike Pompeo, pas akuzave dhe publikimit të përgjimeve nga gazeta gjermane “Bild”, duke ngritur dyshime për blerje të votave në zgjedhjet e vitit 2017.

Ndërkohë, Ambasada e SHBA, në Tiranë ka paralajmëruar se edhe zyrtarë të tjerë do të shpallen “Non Grata”, dhe se nuk do të shkelin kurrë në SHBA nëse janë të lidhur me korrupsionin./ CNA.al