E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Qarqet problematike dhe zgjedhjet brenda PS/ Flet Arben Pëllumbi: Meta ka në dorë dekretet

2 Janar 2020, 10:38, Politikë CNA

Më datë 15 janar do të zgjidhen kryetarët e degëve të Partisë Socialiste, ku përveç emrave të njohur pritet të ketë edhe prurje të reja.

Qarku më problematik për PS-në mbetet ai i Shkodrës, ku nuk kanë ende një kryetar bashkie, pas dorëheqjes së Valdrin Pjetrit.

Sekretari Organizativ i Partisë Socialiste, Arben Pëllumbi në një dalje për mediat ka treguar së fundmi detaje nga zgjedhjet.

?Shkodra vazhdon të jetë në procesin e riorganizimit, ndoshta mund të zgjedhim edhe formën e komandimit të një kryetari. Në të njëjtën situatë kemi dhe Vorën, po kështu në Elbasan dhe në Fier.

Përveç zgjedhjeve brenda partisë, socialistët e shohin ende të pashpresë zhvillimin e zgjedhjeve në Shkodër, Vorë apo Durrës, për shkak të moskomunikimit me Presidentin?, tha Pëllumbi, teksa theksoi se pa miratimin e presidentit Ilir Meta në asnjë nga këto bashki nuk mund të ketë zgjidhje.

?Në asnjë nga këto bashki nuk japim dot zgjidhje nëse Presidenti nuk përcakton një datë të re për zgjedhje të pjesshme në këto bashki. Përplasjet mes mazhorancës dhe Presidentit pritet të zhvendosen në Venecia, për Gjykatën Kushtetuese, si e vetmja mënyrë për të gjetur një zgjidhje për dilemën Vorpsi-Xhaferllari.

Frekuenca e madhe në të cilën ne i drejtohemi Komisionit të Venecias na jep të drejtën të mendojmë që politika shqiptare por në radhë të parë demokracia që ne kemi arritur deri tani nuk e ka akoma pjekurinë e nevojshme që ne të kemi aftësinë për të zgjidhur problemet me njëri-tjetrin. Socialistët janë më të kënaqur me opozitën në parlament se sa me deputetët që dogjën mandatet. Një nga arsyet është edhe eliminimi i zhurmës politike”, deklaroi ai.

Gjithashtu socialisti foli edhe për opozitën e cila kërkon zgjedhje të parakohshme, por sipas Pëllumbit, zgjedhje nuk do ketë deri në vitin 2021.

? Jeta është qetësuar shumë. Duke pasur parasysh se çfarë ndodhte përpara me atë që ndodh tani, preferojmë më shumë atë që ndodh tani.

Mazhoranca nuk e sheh të arsyeshme zhvillimin e zgjedhjeve të parakohshme siç ka kërkuar PD, pasi sipas tyre institucionet funksionojnë dhe 2021 është fare pranë?, theksoi sekretari Organizativ i PS./ CNA.al